Matewu 24:16 - Bhiblia Yo Sawuleka

¹⁶ Konako, ava va manekako Judheya va na thavele mimangoni;

Matewu 24:16 Referans Kwoze

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

Mavingu 22:3

Wo pfisisa wa wona phango e sisala; aniko avale vo divala va pinda ngu kona ve xaniswa.

Jeremiya 6:1

Anu vanana va Bhenjamini, tutumani mi huma hagari ka Jerusalema, vetani mpundu Tekowa, emisani txikombiso txa mndilo Bheti-Hakeremi; nguko dikhombo dita ngu Wuphemba, ni kulovisa ka hombe.

Jeremiya 44:29

Atxiya txi na va txikombiso kwanu, kuwomba Mkoma, ani ni na mi tsayisa ka wuwa wukhalo, kuva mi txi na ziva tito, kha ditshuri, mapswi angu ma na mi wukela.

Matewu 2:1

Ngako Jesu a di velekilwe Bhetlehema ka Judheya, ka mbimo ya mfumeli Herodha, konaho titxhari ta wutxani ti to bwaka Jerusalema,

Matewu 24:15

“Ngu konaho, mbimo yi mi no wona manyala a kuthisa, ma nga songolela kuwombwa ngu mprofeti Dhaniyeli ma di talete wukhalo wo sawuleka, (awu a gondako a na ti pfisise!)

Matewu 24:17

awule a manekako txitimwi ka nyumba, a nga txhike a ta ti tekela simaha sa nyumbani kwakwe;