Matewu 24:15 - Bhiblia Yo Sawuleka

¹⁵ “Ngu konaho, mbimo yi mi no wona manyala a kuthisa, ma nga songolela kuwombwa ngu mprofeti Dhaniyeli ma di talete wukhalo wo sawuleka, (awu a gondako a na ti pfisise!)

Matewu 24:15 Referans Kwoze

Dhaniyeli 9:27

Aniko ene a na tsanisa txitumelelano ni votala ngu divhiki dimwedo; se ka hafu ya divhiki a na emisa miphaxo ni miningelo ya sakudya; muhoxoti a nata ngu tibhapini ka vanyenyeki, kambe eto ngu ha ku sigwitiko; ni sile si nga emiswa si na theketwa txitimwi ka muxaseli.

Dhaniyeli 12:11

Se kukhukhela ka mbimo yi mphaxo wa ditshiku ni ditshiku wu no thaviswa wu txi vekwa ka makhalo o nyenyeza, ku nava ku di pindile 1.290 wa masiku.

Marku 13:14

“Ngako mi txi wona manyala a kuthisa ma di zumbile ahawa ku si faneliko (awu a gondako a na pfisise), ka yoneyo mbimo, ava va ku Judheya va na tutumele mimangoni.

Luka 21:20

Ngako mi txi wona Jerusalema a txi ranganyetwa ngu sikwata sa tiyimbi, zivani ti to kuvhandamuswa kwakwe ku hafuhi.

Dhaniyeli 11:31

Se ku na huma mitamo yokari yi txiya kwakwe, yi txiya nyenyezisa wukhalo wo sawuleka ni mikhokhola, kambe yi na fuvisa miphaxo ya ditshiku ni ditshiku, yi na veka tximaha txa kudhukisela ka hombe.

Mtuletelo 1:3

A katekile awule a gondako ni vale va engisako dipswi da txiprofeto txiya, ngako va txi vekisa ati ti nga bhalwa, nguko mbimo yi hafuhi.

Luka 19:43

Nguko ma nata masiku txitimwi kwako, aawa valala vako va nota kubhiyela ngu ona, ve kuranganyeta, ve ku tsivela ngu otshe madhawa.

Dhaniyeli 9:23

Kukhatani ka mikombelo yako, ku humile txileletelo txi ani ni telako ku ta ku gela, nguko wa randeka ngutu; ngu toneto, xiyisisa kha kwati dipswi, u pfisisa txiwoniso.

Dhaniyeli 9:25

Tizive u pfisisa, kukhukhela kuhumani ka txileleto txa kutshumetela ni kuaketa Jerusalema kala ka Mesiya, Mthangeli, ku nava ni mtxhanu wa mavhiki ni mambidi, ni mtxhanu wa magumi ni dimwedo a mavhiki ni mavhiki mambidi, magondo ni madhoropa si na aketwa; kambe ngu mbimo ya xomulo.

Vahebheru 2:1

Ngu toneto, hi fanete kuengisisa ta tinene timhaka ti hi nga tipfa, kasiku hi si timeli nzila.

Mithumo 6:13

Se ve humisa tifakazi ta makuhu, ati ti nga womba ti txi kha tona: M'thu wuwa, kha leki kuwombawomba timhaka ti ti poyilako Wukhalo wo sawuleka ni Mlayo;

Mtuletelo 3:22

Awu a ku ni tinzeve a na engise ati Moya wu embelako Mabanza.”

Mithumo 21:28

va txi viketa, va txi kha vona: “Vavamna va ka Israyeli, hi vhuneni! Ndiyo m'thu wuwa a lwako ni va ka kwathu, ni Mlayo ni wukhalo wuwa, ngu ti a gondisako ka otshe makhalo ni ka votshe vathu. Se kupinda tiya, a wuletile Vagriki Dithepeleni muwa, e nyeta wukhalo wuwa wo Sawuleka.”

Ezekhiyele 40:4

Se wamwamna wule a to khene kwangu: Awe mwanana wa m'thu, wona ngu maso ako, u engisa ngu tinzeve tako, kambe veka mbiluni kwako totshe ti ni no ku wonisa; nguko kasi ku ta kukomba tona, awe u to tiswa hawa; zivisa koko ka nyumba ya ka Israyeli, totshe ti u no ti wona.

Johani 11:48

Ngako hi txi mu lekisa toneto, votshe va na kholwa kwakwe, se varoma va na fuvisa Wukhalo wathu wo Sawuleka ni ditiko dathu.”

Jeremiya 44:29

Atxiya txi na va txikombiso kwanu, kuwomba Mkoma, ani ni na mi tsayisa ka wuwa wukhalo, kuva mi txi na ziva tito, kha ditshuri, mapswi angu ma na mi wukela.

Dhaniyeli 1:6

Se hagari kwawe ku ti maneka, ka vanana va ka Judha, Dhaniyeli, Hananiya, Misayeli ni Azariya.

Matewu 24:16

Konako, ava va manekako Judheya va na thavele mimangoni;