Matewu 23:8 - Bhiblia Yo Sawuleka

⁸ “Kasi i di anu mi nga dhundeni kudhanwa ku mi M'gondisi, nguko M'gondisi wanu mmweyo, anu ngu txanu mi va txikoma ni txinanda.

Matewu 23:8 Referans Kwoze

Jakobe 3:1

Vanathu, mi nga laveni ku bhi motshenu ngu ku ti maha vagondisi, nguko ma tiziva ti to hi fanete kuya kuthethiswani ko karata.

1 Pedro 5:3

mi si ti mahi ku nga vafumeli txitimwi ka vale mi nga vekelwa, aniko ti maheni vakombisi va nzila ya yinene ka mtxhambi wanu.

Luka 22:32

Aniko ani ni ku kombelete, kasiku likholo lako li si timeki. Se awe, ngako u di hundulukile, tsanisa vakwanu.”

Matewu 23:10

Mi nga tumeleni ve mi dhana ku mi vagondisi, nguko M'gondisi wanu i mmweyo: I ku Kristu.

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

Mtuletelo 22:9

Kambe yi to ni tsimba yi txi kha yona: “Lambi! U nga mahe eto! Nani ni txithumi kufana ni nawe, ni vakakwanu, vaprofeti, ni kufana ni vale va veketako mapswi a dibhuku diya. Txizimu ngu txona u fanelako ku txi khozela!”

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

Vaefesu 3:15

Tate wuwa, mwaya ni mwaya, aniya nzumani ni ha mafuni, wu ku ni ditina dakwe.

2 Vakorinto 4:5

Nguko kha hi ti wombeli athu ngu wutumbu, aniko hi womba ti taku Jesu Kristu ngene i ku Mkoma. I di athu, hi sithumi sanu ngu mhaka ya Jesu.

2 Vakorinto 1:24

Hi nga ti to lava kufumela likholo lanu: Aniko ho lava kuvhunetela litsako lanu dwe, nguko amu ka likholo, anu mi tsani.

Matewu 26:49

Konako, Judha a to tshuketa hafuhi ka Jesu a txi khene: “Xeweni, M'gondisi!” Se e mu pswopswa.

Matewu 10:25

Ta enela ka mgondiswa ku a txi dingana ni m'gondisi wakwe, ni ka txithumi ku txi txi dingana ni nyamne wa txona. Ngako va di dhani nyamne wa nyumba va txi i Bhelzebhule va ha mwayani kwakwe va na dhanwa ngu kupindisa.”

Matewu 23:7

va dhunda kuloswa amu metendelani ni kudhanwa ku ‘M'gondisi M'gondisi’ ngu vathu.”

Matewu 26:25

Konaho Judha, awu a nga mningela, a to angula a txi khene: “M'gondisi, i nga va i di ani kani?” Jesu a to xamula a txi khene: “U ti landute upune!”

Marku 9:5

Pedro a to womba ka Jesu a txi khene: “M'gondisi, ndinene ti to hi zumba konahawa; hi na aka midhuti miraru: Wumwewo mbwako, wumwani mbwa Mosi ni wumwani mbwa Elija.”

Marku 10:51

Jesu a to mu wotisa a txi khene: “U lava ni txi ku mahela txani kani?” Wa dibhofu a to angula a txi khene: “M'gondisi, maha ti to ni tshumela ni wona.”

Marku 11:21

Pedro a txi alakanya a txi khene kwakwe: “M'gondisi, wona mndonga wuwa wa mkuwu, u nga wu ruketela, wu omile.”

Marku 14:45

Neti a nga bwaka, a to mtshuketela hafuhi kwakwe, a txi khene: “M'gondisi!” Se a txi mpswopswa.

Johani 1:38

Mbimo yi a nga tshembereka a txi va wona, va txi mu londetela, Jesu a to khene kwawe: “Mi lava txani kani?” Vona va xamute va txi kha vona: “Rabbi (ati ti wombako ku M'gondisi), u zumba hani kani?”

Johani 1:49

Nathaniyele a to xamula a txi khene kwakwe: “M'gondisi, awe u Mwanana wa Txizimu, u Mkoma wa Israyeli.”

Johani 3:2

A to ta ka Jesu ni wusiku, a txi ta khene kwakwe: “Rabbi, ha tiziva ti to u M'gondisi wu a humako ngu ka Txizimu, nguko kha nga ho m'thu wu a sikotako kumaha sidiwukiso si u si mahako, ngako Txizimu txi si nga ni nene.”

Johani 3:26

Va to tsula ka Johani va txi ya mu gela ku kha vona: “M'gondisi, awu u nga ti nayo mtxhatuko kheya ka Jordhani, awu u nga fakaza ngu ngene, wa bhabhatisa nene, se votshe va ya kwakwe.”

Johani 4:31

Ngu kumaha keto, vagondiswa vakwe va to mkhongotela, va txi kha vona: “Dyana, M'gondisi!”

Johani 6:25

Se mbimo yi va nga ya mu mana mtxhatuko ka linene, va to womba kwakwe va txi kha vona: “M'gondisi, u bwakile txikhati muni hawa kani?”

Johani 9:2

Se vagondiswa vakwe va to mu wotisa, va txi kha vona: “M'gondisi, i mani a nga onha, ngene mwendo mbaveleki vakwe, ku kala e velekwa i di dibhofu kani?”

Johani 11:8

Vagondiswa va mgete va txi kha vona: “M'gondisi, konkuwa Vajudha va ti ti lava ku kubalisela ngu marigwi, se awe u lava kutshumela kambe u txi ya konkheyo, kani?”

Johani 20:16

Jesu a to mu gela ku khene: “Mariya!” Ene a to tshembereka, a txi womba ngu Txihebheru, a txi khene: “Rabbuni!” Ati ti wombako ku “M'gondisi.”

Filimoni 1:16

na i si nga ngadi khumbi, aniko a txi va i di wu a pindako khumbi, mwanathu wo randeka, kambe ene mbwo randeka ngutu kwangu, ngutu-ngutu kwako nawe, a na va i di wo randeka ngu ka wuthu ni ka Mkoma.