Matewu 23:7 - Bhiblia Yo Sawuleka

⁷ va dhunda kuloswa amu metendelani ni kudhanwa ku ‘M'gondisi M'gondisi’ ngu vathu.”

Matewu 23:7 Referans Kwoze

Johani 1:38

Mbimo yi a nga tshembereka a txi va wona, va txi mu londetela, Jesu a to khene kwawe: “Mi lava txani kani?” Vona va xamute va txi kha vona: “Rabbi (ati ti wombako ku M'gondisi), u zumba hani kani?”

Johani 1:49

Nathaniyele a to xamula a txi khene kwakwe: “M'gondisi, awe u Mwanana wa Txizimu, u Mkoma wa Israyeli.”

Johani 20:16

Jesu a to mu gela ku khene: “Mariya!” Ene a to tshembereka, a txi womba ngu Txihebheru, a txi khene: “Rabbuni!” Ati ti wombako ku “M'gondisi.”

Johani 6:25

Se mbimo yi va nga ya mu mana mtxhatuko ka linene, va to womba kwakwe va txi kha vona: “M'gondisi, u bwakile txikhati muni hawa kani?”

Johani 3:26

Va to tsula ka Johani va txi ya mu gela ku kha vona: “M'gondisi, awu u nga ti nayo mtxhatuko kheya ka Jordhani, awu u nga fakaza ngu ngene, wa bhabhatisa nene, se votshe va ya kwakwe.”

Johani 3:2

A to ta ka Jesu ni wusiku, a txi ta khene kwakwe: “Rabbi, ha tiziva ti to u M'gondisi wu a humako ngu ka Txizimu, nguko kha nga ho m'thu wu a sikotako kumaha sidiwukiso si u si mahako, ngako Txizimu txi si nga ni nene.”

Marku 10:51

Jesu a to mu wotisa a txi khene: “U lava ni txi ku mahela txani kani?” Wa dibhofu a to angula a txi khene: “M'gondisi, maha ti to ni tshumela ni wona.”

Marku 9:5

Pedro a to womba ka Jesu a txi khene: “M'gondisi, ndinene ti to hi zumba konahawa; hi na aka midhuti miraru: Wumwewo mbwako, wumwani mbwa Mosi ni wumwani mbwa Elija.”

Matewu 23:8

“Kasi i di anu mi nga dhundeni kudhanwa ku mi M'gondisi, nguko M'gondisi wanu mmweyo, anu ngu txanu mi va txikoma ni txinanda.

Matewu 11:16

“Vathu va liveleko liya ni na va fananisa ni txani kani? Va fana ni vanana va nga khalahatsha ha mtendelani, va txi vangelana diguwa va txi kha vona:

Matewu 26:25

Konaho Judha, awu a nga mningela, a to angula a txi khene: “M'gondisi, i nga va i di ani kani?” Jesu a to xamula a txi khene: “U ti landute upune!”

Matewu 26:49

Konako, Judha a to tshuketa hafuhi ka Jesu a txi khene: “Xeweni, M'gondisi!” Se e mu pswopswa.

Marku 11:21

Pedro a txi alakanya a txi khene kwakwe: “M'gondisi, wona mndonga wuwa wa mkuwu, u nga wu ruketela, wu omile.”

Marku 12:38

Jesu a ti ti womba, na a txi gondisa, a txi khene: “Ti woneleni ka vabhali. Vona va dhunda kutsimbila va di ambate syambalo so lapha, va dhunda ni kuloswa mu mitendelani.

Marku 14:45

Neti a nga bwaka, a to mtshuketela hafuhi kwakwe, a txi khene: “M'gondisi!” Se a txi mpswopswa.

Luka 11:43

“Mi na ni dikhombo, anu Vafarisi, nguko mi randa sikhalo si si ku masoni, masinagogani, ni kuloswa mitendelani.

Johani 4:31

Ngu kumaha keto, vagondiswa vakwe va to mkhongotela, va txi kha vona: “Dyana, M'gondisi!”

Johani 9:2

Se vagondiswa vakwe va to mu wotisa, va txi kha vona: “M'gondisi, i mani a nga onha, ngene mwendo mbaveleki vakwe, ku kala e velekwa i di dibhofu kani?”

Johani 11:8

Vagondiswa va mgete va txi kha vona: “M'gondisi, konkuwa Vajudha va ti ti lava ku kubalisela ngu marigwi, se awe u lava kutshumela kambe u txi ya konkheyo, kani?”