Matewu 23:5 - Bhiblia Yo Sawuleka

⁵ Totshe ti va ti mahako, va ti mahela kasi kuwonwa ngu vathu. Ngu toneto, va dhunda kusunga ha mbanza mwendo mawokoni kwawe titxinda ta kuanama, ku di bhatwe mapswi a mlayo mndani ka tona ni kulaphisa titxinda ta tinguwo tawe.

Matewu 23:5 Referans Kwoze

Johani 12:43

nguko va randile kudhumiswa ngu vathu, kupinda kudhumiswa ngu Txizimu.

Vafilipiya 2:3

Mi nga maheni to maha ngu kukanetana hambi kutikulisa, aniko thumani ngu kutiveka hahatshi, mi si alakanyi ti to ma pinda vamwani ngu wunene.

Johani 5:44

Mi nga kholwisa kutxani, anu mi dhumisanako ngu txanu, mi si laviko wudhumo wu wu tako ngu ka Txizimu txi i ku tximwetxo dwe.

Luka 16:15

Ene a ti khene kwawe: “I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.”

Dhewuteronome 6:8

Kambe u na ma sunga diwokoni kwako kasi kumaha txialakanyiso, ni kuva txikombiso hagari ka maso ako.

Luka 20:47

Va handa tinyumbani ka tinoni, ve ti guleta ngu kumaha mikombelo yo lapha. Vonavo va nata lamulwa ngu kulamulwa ku kupindisako.”

Dhewuteronome 22:12

U na maha makhatxa, u ma rungela ka mune wa titshulu ta didhamba dile u fenengelako.

Eksodha 13:9

Txi nava i di txialakanyiso manzani kwanu, ni ha mbanza kwanu, kasiku Mlayo wa Mkoma wu txi zumba sisofuni kwanu; nguko Mkoma a mi humisile ditikoni ka Egipta ngu dianza da mtamo.

Vafilipiya 1:15

Kha ditshuri, vamwani va huwelela Kristu ngu mabava ni mibango, aniko vamwani va huwelela ngu mbilu ya yinene.

Johani 7:18

Awu a wombawombako ngu ta wutumbu wakwe, a lava kudhumiswa; aniko awu a lavako kudhumiswa ka wule a nga mruma, eyo ngene i ku wa ditshuri, kwakwe kha ku nga ho kukanganyisa.

Matewu 9:20

Sekoko, mmweyo wamsikati a nga ti xupheka ngu malwati a lingolengole, ngu txipimo txa digumi da malembe ni mambidi, a to mtshuketela ngu msana, e gwesa wuziva wa nguwo yakwe.

Mavingu 3:3

Wunene ni kuthembeka si nga ku leke; si sungelele thamoni kwako; si bhale ka txileti txa mbilu yako.

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

2 Vafumeli 10:16

Se Jehu a to khene: Tsimbila ni nani, u na wona ku ti ningela kwangu ka Mkoma. Se Jehu a to mteka mu ka txikotxikani txakwe.

Dhewuteronome 11:18

Mapswi awa angu koko, ma veketeni timbiluni kwanu ni mimoyani kwanu, mi txi ma sugelela mawokoni kwanu, me maha txialakanyiso, ma txi maha txikombiso hagari ka timbanza tanu.

Levhi 13:32

Se ngu msana ka mbimo yoneyo, ngako mphaxeli a di mxolisisile e wona ti to dithanzi kha da endeleka, ni mapfhete kha ma hehuka ni kuhiduka me maha a halandi, mwendo nyama yakwe kha ya tshima,