Matewu 23:39 - Bhiblia Yo Sawuleka

³⁹ Nguko ani na mi gela ku khani: Kha mi na mbiswa mi ni wona, kala mbimo yi mi no womba mi txi khanu: A na bongwe awu a tako ngu ditina da Mkoma!”

Matewu 23:39 Referans Kwoze

Masalmo 118:26

A na dhumiswe awu a tako ngu ditina da Mkoma! Athu ha kudhumisa hi di Nyumbani ka Mkoma!

Matewu 21:9

Dibutho dile da vathu va nga ti thangela masoni kwakwe, ni vale va nga ti londetela ngu msana, va ti ti embelela va txi kha vona: “Hozana ka Mwanana wa Dhavhidha! A na dhumiswe awu a tako ngu ditina da Mkoma! Hozana txitimwi nzumani!”

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Johani 8:56

Abrahamu, tate wanu, a tsakete kuwona ditshiku dangu, se a di woni e nengela.”

Johani 8:24

Ngu toneto, ni nga mi gela ni txi khani: ‘Mi na fela sionhoni kwanu’, nguko, ngako mi si kholwi ti to ‘Ngani wuwa’, mi na fela sionhoni kwanu.”

Johani 8:21

Jesu a to tshumela a txi va gela ku khene: “Ani na tsula, se mi na ni lava, aniko mi na fela txionhoni kwanu. Amu ni yako kona, anu kha mi na kusikota kuta.”

Luka 17:22

Se a txi khene ka vagondiswa vakwe: “Yi nata mbimo yi mi no lava kuwona hambi dimwedo ka masiku a Mwanana wa M'thu, aniko kha mi na mbi di wona.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

Johani 14:19

Msana ka txikhatianyana, ditiko kha di na mbi ni wona kambe, aniko anu mi na ni wona, nguko ani na hanya, ni nanu mi na hanya.

Johani 14:9

Jesu a to khene kwakwe: “I kale ni di zumbile ni nanu, se khu se ni ziva kani Filipi?” Awule a ni wonako, a woni Tate. Se nji txani u txi khawe: “Hi kombe Tate kani?”