Matewu 23:37 - Bhiblia Yo Sawuleka

³⁷ “Jerusalema! Jerusalema! U dayako vaprofeti, u txi balisela ngu marigwi ava va rumelwako kwako! Nzi khati singani ni nga navela kusengeleta vanana vako nga kule ka khukhu yi fundamelako sisondwana sa yona ngu mabhapi, se awe u txi lamba!

Matewu 23:37 Referans Kwoze

Rute 2:12

Mkoma a na hakele mithumo yako, u txi amukela hakhelo yako ka Mkoma, Txizimu txa Israyeli, atxile u nga thavela mabhapini ka txona.”

Masalmo 91:4

Mkoma a na kufenengeta ngu mitenga yakwe, hahatshi ka tibhapi takwe u na maneka u di tsani; ditshuri dakwe njitxhavangu ni txitsaniso!

Masalmo 17:8

Ni xayise kufana ni ndololo ya diso dako; ni sise mtsudini ka mabhapi ako,

Masalmo 36:7

La xamalisa ngutu lirando lako, awe Txizimu! Hahatshi ka mabhapi ako, athu hi tipfa hi di kusisalani.

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

Masalmo 63:7

nguko awe u m'vhuneteli wangu. Ni na embelela ngu kutsaka ni di hahatshi ka mabhapi ako!

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Matewu 23:30

‘Idiku hi ti hanya ka mbimo ya vatate vathu, nga hi sa ema navo ka mhaka ya kudaya vaprofeti’.

Matewu 22:3

A to ruma sithumi sakwe kuya dhana ava va nga rambwa kuta m'busoni, aniko vona kha va tumela kumaneka.

Matewu 5:12

Tsakani ta tinene mi txi nengela, nguko nja hombe hakhelo yanu nzumani. Nguko va va xanisisile toneto vaprofeti va va nga mi thangela.”

Hoseya 11:2

Kambe ngako ni txi va dhana vona va ti nitshuralela; va ti ti phaxela ka va ka bhahali, ve hisela dibaselo sithombe so vatwa.

Masalmo 57:1

Telwa ngu wumbilu ni nani, awe Txizimu, telwa ngu wumbilu, nguko moya wangu wu themba awe. Ni lava kusisala hahatshi ka mabhapi ako, kala phango yi txi pinda.

1 Vatesalonika 2:15

Ngu vona kambe va nga daya Mkoma Jesu ni vaprofeti, ve xanisa ni nathu, vona va si tsakisiko Txizimu, nguko i valala va votshe vathu.

Jeremiya 44:4

Ni mi rumelete sotshe sithumi sangu i ku vaprofeti, ni mixo ngutu ku ta womba tiya: Mi nga maheni wubihi wu ni wu nyenyako.

Matewu 22:6

Vamwani va to ñola sithumi ve si xanisa ni ku si daya.

Zakariya 1:4

Mi nga mahiseni kufana ni vatate vanu, avale vaprofeti vo khata va nga womba-womba kwawe, va txi kha vona: Mkoma wa Mabutho a Tiyimbi a khene: Hundulukani konkuwa ka tinzila tanu to biha, ni ka mithumo yanu yo biha. Aniko kha va ni engisa, hambi ku ni pfisisa, kuwomba Mkoma.

Hoseya 11:7

Nguko vathu vangu va wekelela ku ni leka, hambiko va dhanako Nyatxitimwi, kha ngaho kwawe a m'guletako.

Jeremiya 26:23

Va to humisa Uriya ditikoni ka Egipta, va txi mu wuyisa ka mfumeli Jehoyakimu, awu a nga ta m'daya ngu ditxhari, e tshotsha txirumbi txa kona diphalani ka vanyamtshanzale.

Jeremiya 6:8

Hunduluka, awe Jerusalema, kasi ni si ku tshuraleli, ni txi kumaha dirumbi, ditiko di kuwalo muaki.

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Isaya 50:2

Ngu kutxani ni ngata ni si ta mana m'thu kani? Ngu kutxani ni nga mi dhana, ku si oroveli ni wammweyo kani? Ina dianza dangu di to khwanyela, niza ni si sikoti kutirula kani? Ni ku mwendo kha ni ngadi ni mtamo kasi kutxhatxhisa kani? Wonani taku, ngu kukawuka kwangu na omisa linene, ni maha ti to minambo yi hunduluka yiva siwula, kala kuza sihaka sa kona si nunga, nguko kha ku nga ni mati, se sa fa ngu ditora.

Mtuletelo 17:6

Se ni to wona ti to wamsikati a ti levile ngu mnoha wa vasawuleki ni mnoha wa tifakazi ta Jesu. Ngako ni txi mu wona ni to tala ngu kuxamala ngutu.

Luka 15:28

Kambe ene a to henya ngutu, se asi lavi kuwulela. “Tate wakwe a to huma, a txi ya mkhongotela.

Isaya 5:4

Njitxani tximwani txo dingana ku txi mahwa ka thembwe yangu atxi ani ni nga mbi txi maha kani? Ni ti verete kuvelekwa ka mauvha o tshamba, se ku txi ta velekwa mauvha o bava kani?

Jeremiya 32:31

Nguko adiya didhoropa di vhilusile kuhenya kwangu ni txiviti txangu kukhukhela ditshikwedo va ngadi aka kala nyamsi kuwa; kuva ni txi na di thavisa masoni kwangu.

Jeremiya 36:26

Se mfumeli a to laya tito, Bharuke, m'bhali, ni mprofeti Jeremiya va txi ñolwa ngu Jerameyeli, mwanana wa mfumeli, ni Seraya, mwana Aziriyeli, ni Xelemiya mwana Abdheeli, aniko Mkoma a to va sisa.

Hoseya 7:13

Dikhombo kwawe, nguko va ni tutumile; va na loviswi, nguko va ni lekile, ani ni va tirute kambe va hembile makuhu ngu ngani.

Matewu 23:31

Ngu konaho, ma ti landula ti to mi vanana va vale va nga daya vaprofeti.