Matewu 23:19 - Bhiblia Yo Sawuleka

¹⁹ Mabhofu-nu! Kasi nji txani txi ku ni lisima ngutu, kani? Ngu mningelo mwendo ngu txiluvelo txi sawulekisako mningelo, kani?

Matewu 23:19 Referans Kwoze

Eksodha 29:37

Amu ka masiku a mtxhanu ni mambidi u na maha mhamba ya kubasisa txiluvelo u txi sawulekisa; se nga toneto txiluvelo txi na va txi di sawulekile, ni sotshe sile ni gwesako txiluvelo si na va si txi sawulekiswa.

Eksodha 30:29

U na si basisa simaheso kambe si na va so sawuleka; sotshe asile si no si gwesa si na va si txi sawuleka.

Hagayi 2:12

Ngako wokari a txi phutela nyama yo sawuleka ngu tshulo ya txyambalo txakwe, se ngu tshulo ya kona e gwesa dipawu, mwendo sakudya, mwendo vhinya, mwendo ka mafura, mwendo ka txihi tximwani txo dyiwa, ina a na va adi sawulekile kani? Se vaphaxeli va xamute va txi kha vona: Ahim-him.

Matewu 23:17

Sipumbu-nu, mi mabhofu! Kasi nji txani txi ku ni lisima ngutu, kani? I nzalama mwendo dithepele di sawulekisako nzalama, kani?”

Matewu 23:18

“Se anu mi khanu kambe: ‘Ngako m'thu a txi xambanya ngu txiluvelo, eto kha ti na mhaka ya txilo; aniko ngako a txi xambanya ngu mningelo wu wu ku ha txiluveloni, a ti sungile.’

Matewu 23:20

Ngu toneto, kuxambanya ngu txiluvelo ndimweto ni kuxambanya ngu txona txiluvelo ni sotshe si si ku txitimwi ka txona.