Matewu 23:13 - Bhiblia Yo Sawuleka

¹³ “Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Matewu 23:13 Referans Kwoze

Luka 11:52

Mi na ni dikhombo, anu vagondisi va Mlayo, nguko mi tekile khiya ya tigondo, se anu kha ma wulela, kambe mi tsimbile ava va nga txi lava kuwulela.”

Matewu 23:29

“Mi na ni dikhombo, anu vabhali ni Vafarisi, vaxengeteli, mi akelako mayiva a marigwi vaprofeti, mi txi tshurisela mayiva a valulami, mi txi khanu:

Matewu 23:27

“Mi na ni dikhombo, anu vabhali ni Vafarisi, vaxengeteli, nguko mi fana ni mayiva a kupendwa ngu mhemba, ma tshurako hahanze, kasi mndani ka ona ma tate ngu marambu a vafi ni lotshe lixaka la nzambwa.

Matewu 23:23

“Mi na ni dikhombo, anu vabhali ni nanu Vafarisi, vaxengeteli, nguko ma dihela sa wugumi ka nyatximbowane ni ka dianetha ni ka dikumina, kambe kha mi khatali ngu ditshina da Mlayo, i ku kululama, wumbilu ni kuthembeka. Mi ti ni fanelo ya kumaha tiya, mi si leki ni tona tile.

Zakariya 11:17

Dikhombo ka m'dyisi wa kwa mbi vhuna txilo, a lekako mtxhambi; ditxhari di na wela txitimwi ka diwoko dakwe, ni txitimwi ka diso dakwe da txinene, diwoko dakwe di na oma dotshe, ni diso dakwe da txinene di na fa.

Mithumo 8:1

Ka donedo ditshiku, ku to tumbuluka livengo la tshofu ya kuxanisa dibanza da Jerusalema: Votshe, hahanze ka Vapostoli, va to hangalaka ka matiko a Judheya ni Samariya.

2 Timoti 4:15

Nanawe ti wonele ngu ngene, nguko ene a tshurarete mapswi athu ngu mtamo.

Isaya 33:14

Vaonhi va Siyoni, va na thava, kudhudhumela kukhakhetile vakanganyisi. I mani hagari kwathu a no zumba ni mndilo wu wu tshokomisako kani? I mani hagari kwathu a no zumba ni midhikila ya kwa mbi gwita kani?

2 Timoti 3:8

Kufana ni kuwa Janesi ni Jambresi va nga eyisa Mosi, ngu toneto ni vona vava va kanetako ditshuri. I vathu va va nga onheka mapimo, va likholo lo mbi tsana.

Mithumo 13:8

Kambe Elima, msalamusi, ngu toneto di wombako ditina dakwe ngako di txi txhamuselwa, a to mu tsimba, e zama kutimeta nganakana ti to yi si kholwi.

Mithumo 5:40

Ti di mahile eto, va to dhana vapostoli, ve rumela ku va na kwapelwe ngu timhika. Se va di va gelisisile ta tinene, ti to va si ngadi ve txhumayela ngu ditina da Jesu, va to va leka ve tsula.

Mithumo 5:28

“Hi mi tsimbile ngu mthetho wa kupfala, ti to mi si gondisi ngu ditinedo. Aniko anu mi tatile Jerusalema ngu kugondisa kwanu; mi lava ti to mnoha wa m'thu wuwa wu txi thekelela txitimwi kwathu.”

Johani 9:34

Se vona va txi mu angula, va txi kha vona: “U veleketwe txionhoni, ngu wutumbu wako wotshe, se u lava ku hi gondisa kani?” Konaho va to mu humisa hahanze.

Johani 9:24

Ka wumbidi, va to engeta ve m'dhana m'thu wule i nga ti dibhofu, va txi kha vona kwakwe: “Dhumisa Txizimu! Athu ha tiziva ti to eyo m'thu muonhi!”

Johani 9:22

Vaveleki vakwe va wombisile tiya ngu kuthava Vajudha. Nguko vona Vajudha va ti langanile tito, ngako m'thu wokari a txi womba ti to Jesu ngene Mesiya, a na tovelwa disinagogani.

Matewu 23:25

“Mi na ni dikhombo, anu vabhali ni Vafarisi, vaxengeteli, nguko mi kuwula hahanze ka muhindo ni ka mbiya, kasi mnadani kwanu mi tate ngu wukhokhokho ni kwa mbi ti ñola.

Matewu 3:7

Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?

Matewu 23:16

“Mi na ni dikhombo, anu vakombisi va nzila na mi di mabhofu nanu, mi ku khanu: ‘Ngako m'thu a txi xambanya ngu Dithepele, kha ti na mhaka; aniko, ngako a txi xambanya ngu nzalama yile yi ku Dithepeleni, a ti sungile.’