Matewu 22:40 - Bhiblia Yo Sawuleka

⁴⁰ Sirumo siya sa simbidi ngu sona i ku ditshina da wotshe Mlayo ni tigondo ta vaprofeti.”

Matewu 22:40 Referans Kwoze

Varoma 13:9

Nguko sirumo si si ku: “U nga geleze, u nga daye, u nga pe, u nga navele” hambi ni sihi simwani sirumo, sotshe si tshanganiswa ngu dipswi diya diku: “U na randa muakelani nga ti u ti randisako tona awe upune.”

Matewu 7:12

Ngu toneto, koko, totshe ti mi ti lavako kuve mi mahela vathu, va maheleni nanu. Awuwa ngu wona Mlayo ni gondo ya vaprofeti.”

Johani 1:17

Nguko hi ningilwe Mlayo manzani ka Mosi, aniko kateko ni ditshuri hi wuyisetwe ngu Jesu Kristu.

Jakobe 2:8

Ngu toneto, ngako mi txi veketa mlayo wu i ku wa hombe ka yotshe, madingano ni Mibhalo yi yi ku kha yona: “U na randa muakelani nga ti u ti randisako tona,” eho mi maha ta tinene.

1 Timoti 1:5

Txivangelo txa txileleto txiya ngu lirando, li li humako ka mbilu yo basa, ka livhalo la linene ni ka likholo lo mbi na kukanganyisa.

Vagalatiya 5:14

Nguko wotshe Mlayo wu tshanganiswa ka dipswi dimwedo, adi di ku: “Randa muakelani, nga ti u ti randisako tona.”