Matewu 22:4 - Bhiblia Yo Sawuleka

⁴ A to engeta e ruma simwani sithumi, a txi si leleta a txi khene: ‘Gelani avale va nga rambwa, mi txi khanu: Sakudya si lulamile; ni date tihomu tangu ni sifuyo sangu sa kunona, sotshe si lulamisetwe. Ngonani m'busoni!’ ”

Matewu 22:4 Referans Kwoze

Mithumo 13:46

Aniko Paulo ni Bharnabhasi, na va si thavi txilo, va to womba, va txi kha vona: “Ku ti fanete kuthanga ngu kwanu hi txi huwelela dipswi da Txizimu. Aniko ngako mi di rethelako kule ni nanu mipune, mi ti pfako mi si nga ni fanelo ya wutomi wo mbi guma, senikoko athu ha tshumelela ka vamatiko.

Matewu 21:36

Se ene a to engeta e ruma simwani sithumi, sasingi ngutu kupinda so khata, aniko ka vonavo ni vona, va to va mahela tonati va nga maha ka va vo khata.

Varoma 8:32

Txona txi nga mbi felela Mwanana wa txona, kambe txi nga mningela ngu mhaka yathu hotshethu, ina kha txi na mbi hi ninga silo sotshe kumweko nayo kani?

Mithumo 1:8

Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

Luka 14:17

Se a to ruma txithumi txakwe ngu txikhati txa m'buso, kuya gela va va nga rambwa, a txi khene: ‘Ngonani, silo sotshe si longisilwe.’

Matewu 22:8

Se a to womba kambe ka sithumi, a txi khene: M'buso wu lulamile, aniko avale va nga rambwa kha va nga va ni fanelo.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Nehemiya 9:17

Se va to lamba ku kuengisa, va si khumbuli sixamaliso sako sile u nga va mahela, ve ti nemelisa kuthumani kwawe, se ngu wuhurupha wawe va to ti sawulela mthangeli, kasi ku e va thangela ve tshumelela wukhumbini kwawe; kambe awe u Txizimu txi txi divalelako, txo pfela ni wumbilu, txi swelako kuhenya, txo tala ngu wunene, se awe khwa va leka;

Mavingu 15:17

I txhuko kudya mndiwo wa mazokoro, na ku di ni lirando, kupinda nyama ya homu yo nona, na ku di ni livengo.

Matewu 22:5

Aniko vona kha va khatala ngu tona, va to ti tsulela mmweyo a txi ya thembweni kwakwe, ni mmwani a txi ya mabhinduni kwakwe.