Matewu 22:33 - Bhiblia Yo Sawuleka

³³ Se vathu va txi mu engisa, va to xamala ngu kugondisa kwakwe.

Matewu 22:33 Referans Kwoze

Johani 7:46

Vathumi vale va to xamula, va txi kha vona: “Txima kha hi zivi kuwona m'thu wo wombisa ku nga wuwa!”

Luka 4:22

Votshe va ti ti mu fakazela ngu wunene, va txi xamala mapswi a kutala ngu kateko, ma nga txi huma ngu txisofuni kwakwe, va txi kha vona: “Ina hi nga ene mwanana wa Josefa, kani?”

Luka 2:47

Votshe vale va nga txi mu engisa va to xamala ta tinene ngu wuzivi wakwe ni tixamulo takwe.

Marku 12:17

Se Jesu e va xamula a txi khene: “Tshumetelani Khezari, asi i ku sa Khezari, ni Txizimu asi i ku sa Txizimu.” Se va to xamala ngutu.

Marku 6:2

Ngako di di hokile ditshiku da Sabbata, a to khata kugondisa disinagogani, se vathu votala, va nga mu engisa, va to xamala va txi kha vona: “Timhaka tiya a ti mana hani? Mbuzivi muni wona wuwa a nga ningwa ni sixamaliso si si mahwako ngu manza akwe, kani?

Matewu 22:22

Ngako va di pfite mapswi awa, va to diwuka, ve khukha va txi tsula, ve mu siya.