Matewu 22:15 - Bhiblia Yo Sawuleka

¹⁵ Sekoko Vafarisi, va di khukhile, va to ya langana, txikungoni, marindi a kuñola Jesu amu ka mapswi akwe.

Matewu 22:15 Referans Kwoze

Masalmo 2:2

Vafumeli va mafu va wukile, vakoma va maha txikungo hagari kwawe txa kuwukela Mkoma Txizimu, ni kuwukela Mkoma wule txona txi nga msawula.

Masalmo 59:3

nguko a va va ni riyelako, va wukela muhefemulo wangu, vathu va mtamo va maha sikungo so ni wukela, ni sa hambunyeta txilo hambi kuve ni mnandu, awe Mkoma.

Vahebheru 12:3

Ngu toneto, alakanyani ene wuwa a nga timisela kuxaniswa ko ngeto, ngu mhaka ya vaonhi, kasiku mi si rereki, mi si gumi mtamo timbiluni kwanu.

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

Isaya 29:21

avale va ningisako mnandu m'thu ka mhaka yokari, avale va riyako mlawu ka wule a kawukako ha txikeni, ni vale va vekako walo didhawa wule wo lulama.

Masalmo 57:6

Va riyile txikelemu ve txi veka ha nzilani kwangu moya wangu wu namile; va kete diphala masoni kwangu, aniko ngu vona va nga hojomela ka dona.

Masalmo 41:6

Ngako mmwani a txi ta ku ta ni xola, wo tela ku ta womba ta kukanganyisa, a sengeleta mbiluni kwakwe wotshe wubihi. Mbimo yi a humako, a khata ku wu hangalasa.

Matewu 12:14

Aniko Vafarisi va to huma veya txikungoni kasi kuya langana ti to va na m'dayisa kutxani.

1 Vakorinto 7:35

Ni womba tiya kufela ku mi vhuna; i si nga ku mi riyela. Ni xuva kuwomba ti i ku ta lisima la hombe ni ti ti sikotako ku mi tshanganisa ni Mkoma ngu kuenelela.