Matewu 22:12 - Bhiblia Yo Sawuleka

¹² A txi khene kwakwe: ‘Mndoni, u wulelisite kutxani ahawa, u sa ambala nguwo ya mtxhadho kani?’ Ene a so walo kaye.

Matewu 22:12 Referans Kwoze

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

Matewu 20:13

Aniko ene a to xamula a txi khene ka mmweyo wawe: ‘Ani kha ni ku dyeleli, mngana wangu; kasi kha ha tumelelana male ya didhenari kani?

Jobe 5:16

Ngu toneto, txisiwana txi ni kuthemba; se wubihi wa tsiva txisofu txa wona.

1 Samuwele 2:9

A na xayisa mikondo ya va sawuleki vakwe, aniko vabihi va na maha siduma amu ka txidema; nguko m'thu kha na mbi humelela ngu mtamo wakwe.

Titosi 3:11

nguko se ta zivaneka ti to m'thu wo ngeto a onhekile e ti ningela txionhoni, e ti abanisa apune.

Matewu 26:50

Jesu a to mu angula a txi khene: “Mndoni, kasi u tete ku ta maha txani kani?” Sekoko vona va to mtshuketela, ve yisa mawoko hammidi ka Jesu, ve mñola.

Jeremiya 2:26

Kufana ni dikhamba di di manwi di ni tingana, ngu toneto ni nyumba ya ka Israyeli yi ni tingana, kumweko ni vafumeli ni vathangeli va yona, vaphaxeli va yona ni vaprofeti va yona.

Jeremiya 2:23

U nga wombisa kutxani ku khawe, kha na nyenyeziswa, kha na londisela Bhahali kani? Hi nga wona nzila yako mreleloni, alakanya ti u nga maha; awe u dikameli da mazambo di tutumelako hale ni hale.

Masalmo 107:42

Vathu vavanene, ngako va txi wona tiya, va tsaka, aniko avale i ku vo biha, va malala.

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Matewu 5:20

Nguko ani na mi gela ti to ngako anu mi si mahi kuranda ka Txizimu ngu kuthembeka kupinda vabhali ni Vafarisi, kha mi na mbi wulela Mfumoni ka nzumani.”