Matewu 21:5 - Bhiblia Yo Sawuleka

⁵ “Gelani dihorana da Siyoni, mi txi khanu: Ndiyo wata Mkoma wako wa kuthutha, a di gadhile mbongola, yi ku ni tximbongolana, txi i ku mwanana wa yona.”

Matewu 21:5 Referans Kwoze

Isaya 62:11

Wonani taku Mkoma a zivisile kala magwito ka mafu, a txi khene: Gelani mwanana wa muhorana wa Siyoni, mi txi khanu: Wona taku kuhanyiswa kwako kata; wona taku kuta ni hakhelo yako, ni mithumo yakwe yi thangete masoni kwakwe.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Hoseya 1:7

Kambe na pfela wumbilu va nyumba ya ka Judha, aniko ni na va hulukisa ani Mkoma, Txizimu txawe; nguko kha ni na mbi va hulukisa ngu wulaho, hambi ngu ditxhari, mwendo ngu yimbi, ni mahantxhi kumbe ngu vagadhi va mahantxhi.

Isaya 40:9

Awe u m'zivisi wa mahungu amanene ka Siyoni, kwela ka mmango wo guleka. Awe u m'zivisi wa mahungu amanene ka Jerusalema, guleta dipswi ngu mtamo; di gulete, u nga thave, womba ka madhoropa a ka Judha, u txi khawe: Wonani, nditxe hawa Txizimu txanu.

Ezekhiyele 37:24

Se txithumi txangu Dhavhidha a na fuma txitimwi kwawe, votshe va na va ni m'dyisi mmweyo; kambe va na tsimbila ngu wululamo wangu, ni kuvekisa sileleto sangu, va na si maha.

Ezekhiyele 34:24

Se ani Mkoma, ni na va Txizimu txawe, txithumi txangu Dhavhidha a na va mthangeli hagari ka tona; ani Mkoma, ni wombile.

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

Matewu 2:6

“Awe Bhetlehema, ditiko da Judheya, khu nga m'dotho hagari ka madhoropa a hombe a ka Judha, nguko mthangeli wu a no xayisa ngamu yangu Israyeli a na velekelwa kwako.”

Matewu 2:2

ti txi kha tona: “Ahani mfumeli wa Vajudha awu a nga velekwa, kani? Nguko hi woni nyeleti yakwe wutxani, se hi tile ku ta mu khozela.”

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

2 Vakorinto 10:1

Ani, Paulo ngu wutumbu wangu, na mi khongotela ngu kudikha, ni wunene wa Kristu, ani ni ti vekako hahatshi masoni kwanu, kambe ni mahako wurena ni di kule ni nanu.

Masalmo 9:14

kasi ni na sikota kuembelela wudhumo wako ni di Siyoni ni txi tsaka ngu kuwa u nga ni hulukisa.

1 Vafumeli 10:26

Kambe Solomoni a to sengeleta sikotxikani sasingi ni vagadhi va mahantxhi; a ti ni 1.400 wa sikotxikani, ni 12.000 wa vagadhi va mahantxhi; e si yisa ka madhoropa a sikotxikani, se simwani si zumba kumweko ni mfumeli Jerusalema.

1 Vafumeli 1:33

Mfumeli a to khene: “Tsulani ni sithumi sa mfumeli wanu, mi txi ya gadhisa mwanana wangu Solomoni, ka dimula dangu; mi txi mkwitimisa Giyoni.”

2 Samuwele 16:2

Se mfumeli a txi khene ka Zibha: U lava txani ni siya kani? Zibha a to khene: Timbongola tiya ti na gadhwa ngu va nyumba yako awe mfumeli; mapawu ni mihando ya mbimo ya kuhisa si na va sakudya sa vafana, se vhinya yi na selwa ngu vale va no karala txiwulani.

Valamuli 12:14

Se ene a ti ti ni mune wa magumi a vanana va vafana, ni magumi mararu a vatukulu, va nga ti gadha mtxhanu wa magumi ni mambidi a timbongola; se a to lamula Israyeli, amu ka mtxhanu wa malembe ni mararu.

Valamuli 5:10

Anu mi gadhako timbongola to basa, anu mi khalahatshako ha matahoni, ni nanu mi tsimbilako ngu tinzila, embelelani!

Dhewuteronome 17:16

Kambe mfumeliyo kha kulaveki ku eva ni mahantxhi o tala, hambi kukurumeta vathu ve tshumelela Egipta kasi kuya mana mahantxhi o tala; nguko Mkoma a ti khene: Kha mi na mbi tsimbila kambe ngu yona nzila yiya.

Mitengo 24:19

Se ngu ka nyumba ya Jakobe, ku na huma mfumeli. A na lovisa votshe va va no sala mitini.

Johani 1:49

Nathaniyele a to xamula a txi khene kwakwe: “M'gondisi, awe u Mwanana wa Txizimu, u Mkoma wa Israyeli.”

Matewu 21:6

Se vagondiswa va to tsula, veya mahisa tona ti Jesu a nga va gelisa tona.

Luka 24:27

Sekoko, a to khata ngu mibhalo ya Mosi ni ya vaprofeti e va txhamusela totshe ti ti wombawombako ngu ngene mu ka Mibhalo yotshe.