Matewu 21:39 - Bhiblia Yo Sawuleka

³⁹ Se va to mñola, ve mu ruruvisa ve mu yisa hahanze ka thembwe ya mivhinya, ve m'daya.

Matewu 21:39 Referans Kwoze

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Jakobe 5:6

Mi ningete m'thu wo lulama e dawa. Ene kha mi lambela.

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Johani 18:12

Sekoko mtxawa wa masotxhwa ni nduna ya ona ni maphoyisa a Vajudha, va to ñola Jesu, ve mu sunga,

Matewu 26:57

Ava va nga ta ñola Jesu, va to mu yisa m'tini ka Kayifasi, i nga ti mphaxeli wa hombe, ahawa vabhali ni madhota a ditiko va nga ti sengelatanile kona.

Mithumo 5:30

Txizimu txa vatate vathu txi wusile Jesu, awule anu mi nga m'daya, ngu ku mu hayeka ha phandeni.

Mithumo 4:10

ti na ziwe ngu nganu motshenu ni votshe vathu va ka Israyeli, ti to ngu ditina da Jesu Kristu, wa Nazareta, awule anu mi nga mu bethela, awule Txizimu txi nga mu wusa ngu ka vo fa, ni ti to ngu ditina deyo, m'thu wu a ku masoni kwanu a hanyile.

Johani 18:24

Msana keto, Anasi a to rumela Jesu, a di sungilwe, ka mphaxeli wa hombe Kayifasi.

Matewu 26:50

Jesu a to mu angula a txi khene: “Mndoni, kasi u tete ku ta maha txani kani?” Sekoko vona va to mtshuketela, ve yisa mawoko hammidi ka Jesu, ve mñola.

Matewu 21:38

Aniko vadimi, mbimo yi va nga wona mwanana wakwe, va to langana va txi kha vona: ‘Awuwa ngene i ku m'dyi wa thomba. He m'dayeni, hi na sala ni thomba yakwe.’

Matewu 21:40

Ngako a txi ta nyamne wa mivhinya yile a nata maha txani ngu vathu vale va vadimi kani?”