Matewu 21:37 - Bhiblia Yo Sawuleka

³⁷ Se nyamne wa m'ti e za e ruma mwanana wakwe apune, a txi khene: ‘Va nava ni txithavo ngu ngene.’

Matewu 21:37 Referans Kwoze

Zefaniya 3:7

Ani ni ti ti khani: Kha ditshuri u na ni thava, kambe u na tumela kukawukwa; se ngu kumaha keto, wukhalo wako wa kuzumba ka wona, kha wu na mbi hoxotwa, madingano ni ti ni nga ti ti pimisile; aniko vona va phindute va txi onhetela yotshe mithumo yawe.

Johani 3:16

Nguko Txizimu txi kombile lirando ka vathu, ahawa txi nga za txi ningela Mwanana wa txona wa Mmweyo ekha, kufela ku, votshe va va no kholwa kwakwe, va si lovi, aniko va na mana wutomi wo mbi guma.

Johani 1:34

Ni ti woni ngu maso angu, se na fakaza ti to Ene i Mwanana wa Txizimu.”

Luka 20:13

Se nyamne wa thembwe a txi khene: ‘Ni na maha txani kani? Ni na ruma mwanana wangu, awu ni mu randako, mwendo, ngako va txi mu wona, va na mu thava.’

Marku 12:6

Kambe ngu kuva a di ngadi ni mwanana wammweyo, awu a randekako, nene a mu rumile kwawe, ngu kugwitisa, a txi khene: ‘Va na thava mwanana wangu.’

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Isaya 5:4

Njitxani tximwani txo dingana ku txi mahwa ka thembwe yangu atxi ani ni nga mbi txi maha kani? Ni ti verete kuvelekwa ka mauvha o tshamba, se ku txi ta velekwa mauvha o bava kani?

Johani 1:18

Txizimu kha txi zivi kuwonwa ngu m'thu; Mwanana wa txona wa Mmweyo ekha, awu a ku kumweko ni Tate, ngene a nga hi zivisa ati Txizimu txi ku ngu tona.

Jeremiya 36:3

Mwendo va ka Judha va na engisa kubiha kotshe ku ni xuvako ku va mahela; ati taku mmweyo ni mmweyo a txi hunduluka nzilani kwakwe ko biha, ni txi tsetselela wubihi wakwe ni txionho txakwe.

Matewu 21:36

Se ene a to engeta e ruma simwani sithumi, sasingi ngutu kupinda so khata, aniko ka vonavo ni vona, va to va mahela tonati va nga maha ka va vo khata.

Matewu 21:38

Aniko vadimi, mbimo yi va nga wona mwanana wakwe, va to langana va txi kha vona: ‘Awuwa ngene i ku m'dyi wa thomba. He m'dayeni, hi na sala ni thomba yakwe.’