Matewu 21:35 - Bhiblia Yo Sawuleka

³⁵ Aniko vadimi va to ñola sithumi, ve peka mmweyo, ve daya mmwani, se wa wuraru ve mu balisela ngu marigwi.

Matewu 21:35 Referans Kwoze

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Matewu 5:12

Tsakani ta tinene mi txi nengela, nguko nja hombe hakhelo yanu nzumani. Nguko va va xanisisile toneto vaprofeti va va nga mi thangela.”

Mtuletelo 6:9

Mbimo yi Txinvutana txi nga kwamula txixambanyo txa wutxhanu, ni to wona, hahatshi ka txiluvelo, mimoya ya vale va nga dawa ngu mhaka ya dipswi da Txizimu ni mhaka ya kuwa va ngadi fakazela.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

2 Makronika 16:10

Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

1 Vafumeli 22:24

Sekoko Zedhekiya, mwana Kenahani, a to ta e ta peka Mikaya aha ka litshaya a txi khene: Moya wa Mkoma wu pindile ngu hani ha kwangu, wu txi ta womba-womba kwako kani?

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

1 Vafumeli 19:2

Sekoko Jezabheli a to ruma mtumi ka Elija, kuya khene: Si na ni tsayise ngutu sizimu ngako kala ka mbimo yo nga yona yiya, ni si ku dayi nga ti u nga va dayisa tona.

1 Vafumeli 18:13

Ina va ngava va sa m'gela nyamne wangu ati ni nga maha, mbimo yile Jezabheli a nga dayela vaprofeti va Mkoma, akule ni nga sisa 100 wa vaprofeti va Mkoma, ngu mtxhanu wa magumi, ni mtxhanu wa magumi ka maphala okari, na ni txi va ninga mapawu ni mati kani?

1 Vafumeli 18:4

nguko ku mahekile tito, mbimo yile Jezabheli a nga ti dayela vaprofeti va Mkoma, Obhadhiya a to teka 100 wa vaprofeti, se e sisa mtxhanu wa magumi kheno, ni vamwani va mtxhanu wa magumi kheya, amu ka diphala, e va dyisa ngu mapawu ni mati).

Jeremiya 26:8

Ngako Jeremiya a di gwitile kutxhumayela, totshe ti a nga rumwa ngu Mkoma kuzivisa votshe vathu, vaphaxeli ni vaprofeti ni votshe vathu, va to kha vona: Ngu ditshuri, u na kufa!

Jeremiya 37:15

Vanana va mfumeli va to henya ngutu ngu Jeremiya, va txi mpeka, va txi mkhotela nyumbani ka Jonatani mabhalani, nguko va nga ti yi mahile mkora.

Matewu 21:34

Mbimo yi ku nga hoka nyango ya kuelula, a to ruma sithumi sakwe ka vadimi kasi kuya amukela mitxelo yakwe.

Matewu 21:36

Se ene a to engeta e ruma simwani sithumi, sasingi ngutu kupinda so khata, aniko ka vonavo ni vona, va to va mahela tonati va nga maha ka va vo khata.