Matewu 21:34 - Bhiblia Yo Sawuleka

³⁴ Mbimo yi ku nga hoka nyango ya kuelula, a to ruma sithumi sakwe ka vadimi kasi kuya amukela mitxelo yakwe.

Matewu 21:34 Referans Kwoze

Isaya 5:4

Njitxani tximwani txo dingana ku txi mahwa ka thembwe yangu atxi ani ni nga mbi txi maha kani? Ni ti verete kuvelekwa ka mauvha o tshamba, se ku txi ta velekwa mauvha o bava kani?

Matewu 22:3

A to ruma sithumi sakwe kuya dhana ava va nga rambwa kuta m'busoni, aniko vona kha va tumela kumaneka.

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Matewu 21:35

Aniko vadimi va to ñola sithumi, ve peka mmweyo, ve daya mmwani, se wa wuraru ve mu balisela ngu marigwi.

Matewu 21:38

Aniko vadimi, mbimo yi va nga wona mwanana wakwe, va to langana va txi kha vona: ‘Awuwa ngene i ku m'dyi wa thomba. He m'dayeni, hi na sala ni thomba yakwe.’

Matewu 21:40

Ngako a txi ta nyamne wa mivhinya yile a nata maha txani ngu vathu vale va vadimi kani?”

Matewu 21:41

Vona va to angula va txi kha vona: “A na va fuvisa vathuvo vo biha, senikoko a na ningela thembwe ya mivhinya ka vamwani vadimi, ava va na ku mu wuyisela mihando yakwe ngu nyango yi yi lavekako.”

Marku 12:1

Se a to khata kuwombawomba kwawe ngu sidinganiso, a txi khene: “M'thu a to phaya mivhinya e mi ranganyeta ngu libhiyo, a txi kelela nzeka yo kamela ka yona mihando, e aka txitezi. Msana keto, a to yi ningela ka vadimi, se ene e teka dipfhumba.

Marku 12:7

Aniko vadimi va to langana, va txi kha vona: ‘M'dyi wa thomba ndiyo! Ngonani hi ta m'daya, thomba yi na maha yathu.’

Marku 12:9

Nyamne wa thembwe a na maha txani kani? A nata a ta fuvisa vadimi, se thembwe ya mivhinya a na yi ningela ka vamwani.

Luka 20:9

Se a to khata kugela vathu txidinganiso txiya: “M'thu wokari a phayile thembwe ya mivhinya, se e yi siyela manzani ka vadimi, se e teka dipfhumba da kuendela matikoni ka kule, mbimo yo lapha.