Matewu 21:33 - Bhiblia Yo Sawuleka

³³ “Engisani txidinganiso tximwani: A ti ti ho m'thu, i nga ti di nyamne wa m'ti, awu a nga phaya mivhinya e yi bhiyela ngu libhiyo la mindonga, a txi kelela nzeka ya kukamela ka yona mihando yakwe, e aka txitezi, ngu msana a txi ningela thembwe yiya ka vadimi, se ene a txi teka dipfhumba da kuendela ditikoni ka kule.

Matewu 21:33 Referans Kwoze

Jeremiya 2:21

Ni kuphaya ku nga mndonga wo tshura wa m'vhinya, wa lixaka la linene; u phemberukete txani u maha mndonga wa limwani lixaka kani?

Johani 15:1

“Ani ngani mndonga wa ditshuri wa m'vhinya. Tate wangu ngene m'dimi wa kona.

Luka 19:12

A txi khene: “M'thu wa nganakana a to endela ditikoni ka kule, kuya fumiswa wukoma, e tshumela e wuya.

Hoseya 4:1

Engisani dipswi da Mkoma, anu vanana va ka Israyeli, nguko Mkoma a ni kuhenyisana ni vaaki va ditiko, nguko kha ku na ditshuri, hambi wunene, mwendo kuziva Txizimu ha mafuni.

Marku 13:34

Nguko ti fana ni m'thu wu a nga maha dipfhumba. Mbimo yi a nga khukha ha m'tini, a ningile mtamo ka sithumi sakwe, mmwani ni mmwani a txi mninga mthumo wakwe, se e leleta ni muwoneleti wa ha txikeni ti to e wonisisa.

Matewu 23:2

a txi khene: “Ha txikhaloni ka Mosi va khalahatshile vabhali ni vafarisi.

Matewu 21:28

“Mi yi wonisa kutxani mhaka yiya kani? M'thu wokari a ti ni vanana vambidi. A txi gela mkoma wa kona, a txi khene: ‘Mwanangu, tsula nyamsi u ya thuma thembweni ka mivhinya’.

Matewu 13:18

“Ngu konaho engisani kha kwati txidinganiso txa mphayi.

Jeremiya 19:3

U txi khawe: “Engisani dipswi da Mkoma, anu vafumeli va ka Judha, ni nanu vazumbi va Jerusalema; Mkoma wa Mabutho a Tiyimbi, Txizimu txa ka Israyeli, a khene: Wonani, ni na tisa dikhombo ka wuwa wukhalo, edo hambi i txo va mani a no dipfa, tinzeve takwe ti na tingwa.”

Isaya 1:10

Engisani dipswi da Mkoma, anu vathangeli va Sodhoma; riyani tinzeve anu vathu va Gomora mi engisa mlayo wa Txizimu txathu.

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

Dhewuteronome 16:18

“U na veka valamuli ni vabhali, ka otshe madhoropa ale Mkoma, Txizimu txako, a no kuninga ka lihunzu ni lihunzu, vona va na thethisa vathu ngu kululama.

Matewu 20:1

“Ngu koneho, Mfumo wa nzumani wu fana ni nyamne wa m'ti, awu a nga huma i di ngadi mixo ngutu, kasi kuya thola sithumi sa kuya thuma thembweni kwakwe ka mivhinya.