Matewu 21:3 - Bhiblia Yo Sawuleka

³ Ngako m'thu a txi mi angula to kari, mi na khanu: ‘Mkoma wa ti lava’, kambe a na kuluveta ku ti wuyisa.”

Matewu 21:3 Referans Kwoze

Mithumo 17:25

kha txi thumelwi ngu manza a vathu, txi txi nga txo pwata txilo, nguko txona txipune ngu txona txi ningako sotshe ka votshe, wutomi ni kuhefemula ni sotshe simaha .

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Johani 3:35

Tate wa randa Mwanana, a vekile sotshe manzani kwakwe.

Johani 17:2

nguko u mu ningile mtamo txitimwi ka votshe vathu, kasiku e ninga wutomi wo mbi guma ka votshe vale u nga mninga.

Masalmo 24:1

Mafu ma lumba Mkoma, ni sotshe si si ku ka ona; ditiko ni votshe va va hanyako ka dona.

Ezra 7:27

A na dhumiswe Mkoma, Txizimu txa vatate vathu, a nga thela timhaka tongeto mbiluni ka mfumeli, kuva hi tshurisela Nyumbani ka Mkoma, kona Jerusalema.

Ezra 1:5

Sekoko vathangeli va vatate va miti ya tihunzu ta ka Judha ni Bhenjamini, ni vaphaxeli, ni Valevhi, ni votshe vale Moya wa Txizimu wu nga va wusa, va to ya kuya aka Nyumba ya Mkoma, wu a ku Jerusalema.

2 Vakorinto 8:16

Txi na bongwe Txizimu txi nga ninga Titosi mbilu yo mi khutalela kufana ni nathu.

Ezra 1:1

Ka dilembe do khata da Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, a nga kwangula ka dotshe ditiko dakwe, kumweko ni kubhala, a txi khene:

1 Vafumeli 17:9

Khukha u tsula Sarepita, ku manekako Sidhoni, u txi ya zumba kona; wona to ani ni rumile wamsikati wa noni, a ti to e kudyisa.

1 Samuwele 10:26

Sawule nene a to tsula m'tini kwakwe, kona Gibheya; se ka dibutho a to tsula ni vale Txizimu txi nga gwesa timbilu tawe.

Jakobe 1:17

Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.

Matewu 21:2

A txi va gela ku khene: “Tsulani ka m'ti wule wu ku masoni kwanu; konaho mi na ya mana mbongola ya makati, yi nga sungwa, na yi di ni tximbongolana. Yi thukunyuleni mi txi wuya nayo.

Matewu 21:4

Totsheleleto ti mahekile kasi kutatiseka ati ti nga wombwa ngu mprofeti, a nga khene: