Matewu 21:27 - Bhiblia Yo Sawuleka

²⁷ Se va to angula ka Jesu va txi kha vona: “Kha hi ti zivi.” Sekoko, nene a nje khene: “Nanani kha ni na mbi mi gela ti to ni maha tiya ngu mtamo muni.”

Matewu 21:27 Referans Kwoze

2 Vakorinto 4:3

Aniko, ngako Evhangeli yathu yi di sisilwe, yi sisetwe vale va lovako.

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Johani 9:30

Se mu'thu wule a to ti angulela a txi khene: “Ta xamalisa ngutu kha ditshuri tito, anu kha mi m'zivi emo a tako ngu kona, na kasi ngene a nga ni tula maso.

Matewu 16:3

Ni mixo, mi khanu: ‘Nyamsi ku nava ni diphuho, nguko nzumani ku ni madhuvi.’ Ma tiziva ta tinene kutxhamusela khohe ya nzuma, se mi sindwa ngu txani kuziva sikombiso sa timbimo kani?

Matewu 15:14

Va lekeni! Mabhofu ma thangelelako mabhofu-kulowe; se ngako dibhofu di txi ñoleta lisole dimwani dibhofu, votshe va na wela diphalani ngu wumbidi wawe.”

Isaya 28:9

I mani koko a ndi no gondiswa wutxhari kani? Niku i mani a ndi no pima ati a nga tipfa kani? Ka wule a nga lumulwa ni ka wule a nga thaviswa ha tshumbuni kani?

Isaya 6:10

Bangisa timbilu ta vathu vava, u tsiva tinzeve tawe, vhala maso awe; kasi ku va si woni ngu maso awe, va si engisi ngu tinzeve tawe, va si pimisi ngu timbilu tawe, va nga thuka ve hunduluka, ve mana kuhanyiswa.

Matewu 21:26

Se hi txi angula ti to khathu: ‘Wu ta ngu ka vathu’ hi thava kuwukelwa ngu dibutho, nguko votshe va kholwa ti to Johani i mprofeti.”

Matewu 21:28

“Mi yi wonisa kutxani mhaka yiya kani? M'thu wokari a ti ni vanana vambidi. A txi gela mkoma wa kona, a txi khene: ‘Mwanangu, tsula nyamsi u ya thuma thembweni ka mivhinya’.