Matewu 21:26 - Bhiblia Yo Sawuleka

²⁶ Se hi txi angula ti to khathu: ‘Wu ta ngu ka vathu’ hi thava kuwukelwa ngu dibutho, nguko votshe va kholwa ti to Johani i mprofeti.”

Matewu 21:26 Referans Kwoze

Marku 6:20

Nguko Herodha a ti thava Johani, ngu kuziva ti to ene i m'thu wo lulama ni wo sawuleka, kambe a ti ti mu vhikela. Mbimo yi a nga txi mu engisa, a ti thelwa mphume, aniko a ti mu engisa ngu kutsaka.

Johani 5:35

Johani i ti liwoningo li li turako, li woningako. Se anu mi randile kutsakela kuwoninga kwakwe ngu mbimoanyana.

Matewu 21:46

Se va ti lava ku mñola, aniko va to thava dibutho da vathu, nguko vona va ti ti m'ziva nga mprofeti.

Matewu 14:5

Se a ti lava nzila ya ku m'daya, aniko e thava vathu, nguko vona va ti ti kha vona i mprofeti.

Matewu 11:9

Se mi ti ya wona txani kani? Mprofeti kani? Ina! Ani na mi gela, awu a pinda mprofeti.

Mithumo 5:26

Sekoko mthangeli wa vawoneleti va Dithepele ni sithumi sa dibanza, va to tsula veya va teka, kambe va si va mahi ngu mtamo, nguko va ti thava kubaliselwa ngu marigwi ngu vathu.

Johani 9:22

Vaveleki vakwe va wombisile tiya ngu kuthava Vajudha. Nguko vona Vajudha va ti langanile tito, ngako m'thu wokari a txi womba ti to Jesu ngene Mesiya, a na tovelwa disinagogani.

Luka 22:2

vaphaxeli va hombe ni vabhali va ti lava nzila ya tiya va no dayisa tona Jesu, nguko va ti thava vathu.

Luka 20:19

Se vaphaxeli va hombe ni vabhali va txi lava ku mñola ka txonetxo txikhati, aniko ve thava mtalo wa vathu, nguko va ti pfite ti to a ti mahela vona txidinganiso txiya.

Luka 20:6

Se ngako hi txi khathu: Ku humile ka vathu, ditiko dotshe di na hi balisela ngu marigwi, nguko votshe va kholwa ngutu ti to Johani i ti mprofeti.”

Marku 12:12

Va ti lava ku mñola, aniko ve thava dibutho ngukuva va di ti pfite ti to a womba-womba ngu vona ka txidinganiso txiya. Se ve mu leka, ve tsula.

Marku 11:32

Aniko, ngako hi txi khathu: ‘Wu ta ngu ka vathu!’ ” Va ti thava vathu, nguko votshe va ti kha vona, ngu ditshuri, Johani mprofeti.

Isaya 57:11

Se u thava mani mwendo kudhudhumela, aha koza u hemba u si ni alakanyi, mwendo ku ni veka mbiluni kwako kani? Ina hi nga mhaka ya kule ni nga malala kukhukhela kale, se u si ni thavi kani?

Matewu 21:11

Dibutho di txi angula, di txi kha dona: “Awuwa i Jesu, mprofeti wa Nazareta ka Galileya.”

Matewu 21:25

Mtamo wa kubhabhatisa ka Johani wuta ngu hani kani? Wu ta ngu nzumani mwendo wuta ngu ka vathu kani?” Aniko vona va to khata kualakanya timbiluni kwawe va txi “Ngako hi txi angula tito: ‘Wu ta ngu nzumani’, a na hi wotisa tito: ‘Njani hi nga mbi kholwa kani?’

Matewu 21:27

Se va to angula ka Jesu va txi kha vona: “Kha hi ti zivi.” Sekoko, nene a nje khene: “Nanani kha ni na mbi mi gela ti to ni maha tiya ngu mtamo muni.”