Matewu 21:23 - Bhiblia Yo Sawuleka

²³ Msana keto, a to wulela Dithepeleni. Mbimo yi ene a nga ti gondisa, vaphaxeli va hombe ni madhota a ditiko va to mu yela va txi ya kha vona kwakwe: “U wu mana hani mtamo wa kumaha tiya kani? I mani a nga kuninga mtamo wo ngeto kani?”

Matewu 21:23 Referans Kwoze

Mithumo 4:7

Ku ti ngako va di va dhani masoni kwawe, va to va wotisa, va txi kha vona: “Mi mahile eto ngu mtamo muni, mwendo ngu ditina da mani kani?”

Luka 19:47

Kambe vaphaxeli va hombe ni vabhali ni madhota a ditiko, va ti lava ku m'daya.

Matewu 26:55

Sekoko Jesu a to khene ka dibutho: “Mi tela ku ta ni ñola mi di xomile matxhari ni migomba, nga no va dikhokhokho kani? Ditshiku ni ditshiku ni ti zumba hagari kwanu, ni gondisa Dithepeleni, aniko kha ma ni ñola.

Eksodha 2:14

Ene a to xamula a txi khene: “I mani a nga kuveka kumaha wa hombe, ni mthethisi hagari kwathu kani? Se u lava ku ni daya nani, nga kule nyamnova u nga daya Muegipta kani?” Sekoko Mosi a to dhuka, a txi khene: “Mhaka yi zivilwe!”

Mithumo 7:27

Se awu a nga ti xanisa mkwawe a to retha Mosi, a txi khene: ‘I mani wu a nga kumaha mfumeli ni mlamuli txitimwi kwathu kani?

Matewu 21:24

Jesu a va angute a txi khene: “Nanani ni lava ku mi mahela txiwotiso, se ngako mi txi ni xamula ka txona, anani ni na mi gela ti to ni maha tiya ngu mtamo muni.

Matewu 24:1

Ngako Jesu a txi huma ngu Dithepeleni e tsimbila, vagondiswa vakwe va to mtshuketela, kasi ku mkomba maakelo a Dithepele.

Luka 20:1

Ngu ditshiku dokari, ku ti ngako a txi gondisa vathu Dithepeleni ni kutxhumayela vathu Evhangeli, vaphaxeli va hombe ni vabhali va to ti wonekisa kwakwe kumweko ni madhota a ditiko,

Matewu 20:4

Se a to khene kwawe: ‘Tsulani na nanu thembweni kwangu ka mivhinya, ni na mi ninga muholo wu wu fanelako. Nivona va to tsula’