Matewu 21:19 - Bhiblia Yo Sawuleka

¹⁹ Se a to wona mkuwu hafuhi ni nzila, a txi wu tshuketela, aniko kha mana txilo ka wona, hahanze ka mazokoro. Konaho, a to womba, a txi khene: “Yi nge ngadi yi velekwa mihando kwako!” Se kunukunuko mkuwu wu so oma.

Matewu 21:19 Referans Kwoze

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

Johani 15:6

Wuhi ni wuhi asi zumbiko kwangu, a na tshotshwa hahanze, a txi oma kufana ni didhavi. Madhavi o ngeto, ma rolelwa ma txi rinzwa ha mndiloni, ma txi hiswa.

Luka 3:9

Kambe nzanga yi vekilwe ha mikolotini ka mindonga; mndonga wuhi ni wuhi wu si velekiko mihando ya yinene, wu na wilwa wu rinzwa mndiloni.”

Johani 15:2

Didhavi dihi ni dihi di ku kwangu, adiya di si velekiko mihando, wa di wila, se adiya di vekako mihando, wa di sanda, kasiku di txi thela mihando yo tala.

Marku 11:14

Se Jesu a to womba ka mkuwu, a txi khene: “Kukhukhela konkuwa, ku nga ve ni m'thu wu a dyako mihando yako kala kupinduka.” Vagondiswa vakwe va ti tipfa.

Mtuletelo 22:11

Awu a nga mbi lulama a na simamise e maha ku ambi lulama kwakwe; awu i ku wa nzambwa a na simame nzambwani kwakwe; ani mlulami a na simamise e maha kululama, ani msawuleki a na simame e ti sawulekisa.”

Judha 1:12

vathu vava ngu vona i ku sikhuvekiso mibusoni kwanu ka lirando; vadya va si na tingana, ve ti dyisa vapune, va fana ni marefu o mbi na mati, ma pengapengiswako ngu moya; mindonga ya wuxika yi si velekiko mihando, mindonga yi nga fa kumbidi yi txi dulwa ni mikoloti ya yona;

2 Timoti 3:5

Va na nga vo va ni wukhongeli, kasi va lamba mtamo wa wona wukhongeli. Va vayilele evo ni vona.

Isaya 5:2

Se a to dima e thavisela marigwi, e phaya mivhinya ya yinene ngutu; e aka txitezi hagari ka thembwe, a txi kelela dipipa do kamela ka dona mihando, a txi verela ku yi veka mihando ya yinene; aniko yi to veka mihando yo bava.

Jeremiya 8:13

Ni na va lovisa va txi bhi, kuwomba Mkoma. Kha ku na mauvha mndongani ka m'vhina, hambi makuwu mkuwuni, ni ona mazokoro ma omile. Asi ni nga va ninga si na pshwonyowoka kwawe.

Matewu 21:20

Vagondiswa, ngu kuwona tiya, va to diwuka va txi kha vona: “Ti mahisile kutxani mkuwu kukuluveta wu txi oma, kani?”

Marku 11:20

Ni mixo, ngako va txi pinda, va to wona mndonga wa mkuwu wu di omile wotshe, kukhukhela mikolotini.