Matewu 21:17 - Bhiblia Yo Sawuleka

¹⁷ Msana keto, a to khukha a txi va siya, e huma didhoropani e tsula Bhetaniya, ahawa a nga ya otela kona.

Matewu 21:17 Referans Kwoze

Johani 11:18

Bhetaniya i ti hafuhi ni Jerusalema txipimo txa mnava wa makilometru mararu.

Johani 11:1

A ti ti ho m'thu wokari wa kulwala, a nga ti dhanwa ku i Lazaro, wa Bhetaniya, mkhokholani ka Mariya ni Marta, mwanawe.

Luka 24:50

Msana keto, a va tekile a txi va yisa hafuhi ni Bhetaniya, a txi guleta manza a txi va katekisa.

Marku 11:11

Se Jesu a to wulela Jerusalema ni mu Dithepeleni. Ngako a di rumarumile sotshe, ni kuwa kambe di nga ti swite, a to huma eya Bhetaniya kumweko ni va digumi ni vambidi.

Marku 11:19

Ku ti ngako di di swite, a to huma didhoropani.

Matewu 16:4

Lixaka la tshofu ni la ku ambi thembeka ka Txizimu li kombela sidiwukiso, aniko kha li na mbi ningwa tximwani txidiwukiso, hahanze ka txikombiso txa mprofeti Jona.” Se a to va leka e ti tsulela.

Luka 19:29

Mbimo yi va nga txi lava kuhoka Bhetfage ni Bhetaniya, hafuhi ka mmango wa Miolivha, Jesu a to rumela vambidi ka vagondiswa vakwe, a txi va gela ku khene:

Luka 10:38

Ngako a txi tsimbila, ene a to ya wulela ka m'ti wokari, se mmweyo wamsikati, ditina dakwe a nga ti dhanwa ku i Marta, a to mu amukela nyumbani kwakwe.

Marku 11:1

Ngako va txi tshuketela Jerusalema, hafuhi ni Bhetfage ni Bhetaniya, mmangoni ka Miolivha, Jesu a to rumela vambidi ka vagondiswa vakwe,

Marku 3:7

Kambe Jesu a to khukha ni vagondiswa vakwe veya phuho, hafuhi ni digova, se dibutho da hombe da vathu ve mlondisa, va txi huma Galileya. Vamwani va kuhuma Judheya,

Matewu 26:6

Se ngako Jesu a di Bhetaniya, m'tini ka Simoni, awu a nga ti dhanwa ku wa tshekela,

Hoseya 9:12

Hambi va txi ta wunja vanana vawe, ani ni na va tekela, ku si sali m'thu ni wammweyo; nguko dikhombo kwawe, ngako kambe vona va txi ni leka!

Jeremiya 6:8

Hunduluka, awe Jerusalema, kasi ni si ku tshuraleli, ni txi kumaha dirumbi, ditiko di kuwalo muaki.

Marku 14:3

Se mbimo yi Jesu a nga ti Bhetaniya, m'tini ka Simoni, awule wa tshekela, na se va di ha sakudyani, a to ta wamsikati, a di ni txikadyana txa alabhastru, txi nga ti ni mafura o bhumula a nardhu ya yinene, yo dhula ngutu, se e faya txikadyana e thela mafura ha msungo ka Jesu.