Matewu 21:16 - Bhiblia Yo Sawuleka

¹⁶ va txi mu gela ku kha vona: “Ina wa tipfa ti va wombako kani?” Jesu a to xamula a txi khene: “Ina! Kasi kha mi nzi kugonda ti taku: ‘Ka mapswi a txisofu txa vanana vavadotho ni txa tikekere u ti lulamisete wudhumo, kani?’ ”

Matewu 21:16 Referans Kwoze

Masalmo 8:2

Ngu wudhumo wu wu humako sisofuni ka vanana ni ka vadotho. U mahile mkhokhola wa ku ti vhikela ka valala vako, kasiku u txi malata valala ni vaphoteli.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Matewu 19:4

Ene a to xamula, a txi khene: “Ina kha ma gonda tito: ‘Muvangi, kukhatani, a va mahile mwamna ni msikati.’

Matewu 12:3

Ene a to khene kwawe: “Kasi kha ma gonda ati ti nga mahwa ngu Dhavhidha ditshiku di a nga pfa nzala, ene ni va a nga ti navo kani?

Marku 2:25

Ene a ti khene kwawe: “Kha mi nzi kugonda tiya Dhavhidha a nga mahisa tona, mbimo yi a nga khamwa a txi pfa nzala, ene ni vale a nga ti navo kani?

Matewu 22:31

Se ngu mhaka ya kuwuka ka vafi, ina kha ma gonda ati txi nga womba Txizimu, txi txi kha txona:

Marku 13:17

Ku nava ni dikhombo ka va va ku ni sirumbu, ni va va mamisako ka oneyo masiku.

Luka 21:23

Va nava ni dikhombo va sirumbu ni va kumamisa ka oneyo masiku! Nguko ku nava ni kuxaniseka ka hombe ha mafuni, ni kuhenyelwa ku na wela ditiko diya.