Matewu 20:7 - Bhiblia Yo Sawuleka

⁷ Vona va to mu xamula va txi kha vona: ‘Nguko kha ha tholwa ngu m'thu.’ Se ene a nje khene: ‘Tsulani na nanu thembweni kwangu ka mivhinya.’

Matewu 20:7 Referans Kwoze

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Vakolosa 1:26

i ku txikungo txi txi nga ti sisilwe, malembe ni malembe, ka totshe tixaka ta vathu, kambe se txi nga tulelwa ka vasawuleki va txona.

Vaefesu 6:8

Ma tiziva ti to m'thu ni m'thu a na ya amukela manzani ka Mkoma wotshe wunene wu a nga wu maha, hambi i di txithumi, hambi i di wo thuseka.

Varoma 16:25

Ka wule a ku ni mtamo wa ku mi tsanisa ka Evhangeli yangu, madingano ni kutxhumayela ka Jesu Kristu ni kuwonekeliswa ka msisalo wu wu nga ti tumbetilwe kukhukhela ka mbimo ya kale ni kale,

Mithumo 4:16

va txi kha vona: “Hi na va maha txani vathu vava kani? Nguko i mhaka yi yi ziwako ngu votshe va va nga aka Jerusalema, ti to txixamaliso txa hombe txi mahilwe ngu vona; ti ha kubasani, kha hi sikoti kukaneta.

Johani 9:4

Ta laveka ti taku ani ni maha mithumo ya wule a nga ni ruma, na i di ngadi mitshikari; wusiku wata, ahawa m'thu asi sikotiko kuthuma txilo.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Matewu 20:1

“Ngu koneho, Mfumo wa nzumani wu fana ni nyamne wa m'ti, awu a nga huma i di ngadi mixo ngutu, kasi kuya thola sithumi sa kuya thuma thembweni kwakwe ka mivhinya.

Matewu 20:6

A di humile ngu txikhati txa wugumi ni tximwetxo, a to engeta e mana vamwanyani, va nga ti emile, a txi khene kwawe: ‘Njitxani mi txi zumba hawa, ditshiku dotshe, mi si thumi txilo kani?’

Matewu 20:8

Na ku txi khata kumaha minova, nyamne wa thembwe ya mivhinya, a to gela mxayisi wa tithomba takwe a txi khene: ‘Dhana sithumi u txi si holela nthumo wa sona, aniko u na khata ngu vale vo gwitisa, kala u txi ya gwitisa ngu vale vo khata.’