Matewu 20:31 - Bhiblia Yo Sawuleka

³¹ Se dibutho di ti ti va kawuka kasiku ve malala, aniko vona va to kwangula ngutu, va txi kha vona: “Mkoma Mwana Dhavhidha, hi pfele wusiwana!”

Matewu 20:31 Referans Kwoze

Matewu 19:13

Sekoko, va to tiswa kwakwe vanana kasiku e va sanzeka manza ni ku va kombelela; se vagondiswa va txi va tsimbisela.

Vakolosa 4:2

Simamani mi khongela, mi txi khutalela kona mikombeloni, na mi txi bonga,

1 Vatesalonika 5:17

Khongelani mi si karali.

Matewu 15:23

Aniko ene kha mu angula txilo. Vagondiswa va to ta kwakwe ve ta mkombela, va txi kha vona: “Mtshumete, nguko wa hi londetela, na a txi hi kulumela.”

Luka 18:39

Se ava va nga ti thangete masoni va to mu kawuka, va txi a na malale; kambe ene a to engeta e kwangula ngu mtamo a txi khene: “Mwana Dhavhidha, ni pfele wusiwana!”

Matewu 9:27

Ngako Jesu a di khukhile konaho, mabhofu mambidi ma to mlondisa, ma txi kwangula ma txi khene: “Mwanana wa Dhavhidha, hi pfele wusiwana!”

Matewu 20:30

Konako mabhofu mambidi ma nga ti khalahatshile hafuhi ni nzila, mbimo yi ma nga engisa ti to Jesu wa pinda, ma to khata kukwangula ma txi kha ona: “Mkoma Mwana Dhavhidha, hi pfele wusiwana!”

Matewu 20:32

Se Jesu a to ema e va dhana, a txi khene kwawe: “Mi lava ti to ni maha txani kwanu kani?”