Matewu 20:22 - Bhiblia Yo Sawuleka

²² Aniko Jesu a to mu xamula a txi khene: “Kha mi txi zivi txi mi kombelako. Ina mi nga sikota kusela digombe da wuvi di ni no sela, kani?” Vona va to xamula va txi kha vona kwakwe: “Hi nga sikota.”

Matewu 20:22 Referans Kwoze

Luka 22:42

“Tata, u txi ti lava, hambukisa digombe diya da sixaniso di txi ya kule ni nani. Aniko, ku nga mahwe kuranda kwangu, ku na mahwe kuranda kwako.”

Matewu 26:42

Ti di mahile eto, a to tsula ka wumbidi, eya khongela kambe, a txi khene: “Tata wangu, ngako ti si koteki ti to digombe diya di pinda ni sa di sela, ku na maheke kuranda kwako.”

Johani 18:11

Aniko Jesu a to gela Pedro, a txi khene: “Txhomeka ditxhari dako msavani ka dona. Kha ni na mbi sela digombe da sixaniso di ni nga ningwa ngu Tate kani?”

Marku 14:36

A txi womba kambe ku khene: “ ‘Abba!’ Tata, totshe ta koteka kwako, thavisa digombe diya kule ni nani! Hambi keto, ti nga maheke nga kuranda kwangu, aniko ti na maheke ati awe u ti lavako.”

Matewu 26:39

Se a di tshuketile kule nyana, a to ti wisa hahatshi, ngu mbanza, na a txi khongela, a txi khene: “Tata wangu, ngako ti txi koteka, digombe diya di na pinde kule ni nani; aniko, ti nga maheke nga kuranda kwangu, ti na maheke nga ti Awe u ti lavisako tona.”

Varoma 8:26

Ngu mhaka ya toneto, Moya wo Sawuleka ni wona wata wuta hi vhunetela amu ka mikaralo yathu, nguko kha hi ti zivi ati hi fanelako ku khongelisa tona mikombeloni kwathu; ngu wona wupune wu hi kombelelako, ngu tingumo to mbi balwa.

Isaya 51:22

A womba tiya Mkoma Txizmu txako, Nyamne wako, wule a no lwela mhaka ya vathu vakwe: Wona taku ani na teka manzani kwako digombe di di levisako, nzambwa ya digombe da kuhenya kwangu; khu na mbi ngadi u di sela kambe.

Jakobe 4:3

Hambi mi txi kombela, kha mi amukeli txilo, nguko kha mi kombeli ngu fanelo: Asi mi kombelako, mi kombela sa kutsakisa minavelo yo biha ya mmidi.

Luka 12:50

Ka ho kubhabhatiswa kuwa ni fanelako ku kuamukela, aniko eto ni xanisekisako tona kala mbimo yi ku no tatiseka ngu yona!

Jeremiya 49:12

Nguko Mkoma a khene: Wonani ti taku avale va nga sa emiselwa kusela dijingo, va di sela ngu ditshuri, se ina awe u nga huluka ngu ditshuri kani? Khu na mbi huluka, ngu ditshuri u na di sela.

Matewu 26:56

Sekoko totshe tiya, ti mahekile kasi kutatiseka Mibhalo ya vaprofeti.” Ngu konaho votshe vagondiswa, va to mleka, ve thava.

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

Masalmo 75:3

Ngako ditiko di txi tsekatseka, kumweko ni sotshe sivangwa si ku ka dona, ani ni na tsanisa tiphande ta dona.”

Matewu 26:35

Pedro a to womba kambe a txi khene: “Hambi i di kulava kudawa kumweko ni nawe, kha ni na mbi kulamba.” Votshe vagondiswa va so wombisa toneto ni vona.

Isaya 51:17

Wuka, Wuka, khukha awe Jerusalema, u nga sela ka dianza da Mkoma, digombe da txiviti txakwe, u sete ni kupswonga nzambwa ka digombe di di levisako, u sete nzambwa ya digombe da kuthidhela.