Matewu 20:21 - Bhiblia Yo Sawuleka

²¹ Jesu a to mu wotisa a txi khene: “U lava txani kani?” Ene a to mu xamula a txi khene: “Maha ti to vanana va vangu vavambidi ve zumba Mfumoni kwako, mmweyo txineneni kwako, mmwani txibhabha kwako.”

Matewu 20:21 Referans Kwoze

Matewu 19:28

Jesu a to xamula a txi khene: “Kha ditshuri na mi gela ku khani: Ka mbimo ya kuwusetwa ka wuphya wa sotshe, ditshiku diya Mwanana wa M'thu a nota khalahatsha ha txikhaloni kwakwe ka wukoma wa kupfaliswa, na nanu, mi nga ni londisa, mi nata khalahatsha ka digumi da sikhalo sa wukoma ni simbidi, mi txi lamula tihunzu ta digumi ni timbidi ta ka Israyeli.

Esteri 5:3

Sekoko mfumeli a to khene kwakwe: Njintxani u ku natxo awe msikati wangu Esteri, niku mwendo njikombelo muni u ku natxo kani? Hambi hafu ya mfumo ni na kuninga.

Matewu 18:1

Ka yoneyo mbimo, vagondiswa va tile ka Jesu va txi ta kha vona kwakwe: “I mani i ku wa hombe Mfumoni ka nzumani kani?”

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Mithumo 1:6

Avale va nga ti tshanganile va to mu wotisa, va txi kha vona: “Mkoma, ina ngu yona yi mbimo u lavako kuwusa mfumo wa Israyeli, kani?”

Marku 6:22

Mwanana wa muhorana wa Herodhiya, a to wulela, a txi sinya e tsakisa Herodha ni va va nga ti khate nayo ha sakudyani. Se mfumeli a txi khene ka wule wa muhorana: “Ni kombele sotshe si u si lavako, ni na kuninga.”

Matewu 20:32

Se Jesu a to ema e va dhana, a txi khene kwawe: “Mi lava ti to ni maha txani kwanu kani?”

1 Vafumeli 3:5

Kona Gibheyoni, Mkoma a to woneka ka Solomoni ngu miloro ni wusiku, se Txizimu txi nje kha txona: “Kombela txi u txi lavako ku ni txi kuninga.”

Vakolosa 3:1

Ngako mi di wukile ka vo fa kumweko ni Kristu, lavani asi i ku sa txitimwi, ahawa a zumbako kona Kristu, awu a nga khalahatsha txineneni ka Txizimu.

Varoma 12:10

Zumbani ngu kurandana nga vanana va m'thu mmweyo, mi txi palisana ngu kukombisa txithavo ka mmwani ni mmwani.

Johani 15:7

Ngako mi txi zumba kwangu, ni mapswi angu ma txi zumba kwanu, mi nga sikota kukombela txihi ni txihi mi txi lavako, mi na mahelwa tona.

Luka 22:24

Sekoko, va to khata kukanetisana ngu kulava kuziva ti to i mani a alakanyelwako kuva i di wa hombe hagari kwawe.

Luka 19:11

Ku ti ngako vona va txi engisa timhaketo, Jesu a to engeta e va gela txidinganiso, nguko a ti hafuhi ni Jerusalema, se vona va ti pimisa ti to Mfumo wa Txizimu wu na kuluveta kuhumelela.

Luka 18:41

“U randa ku ni txi ku mahela txani kani?” Ene a xamula a txi khene: “Mkoma, ni na tshumele ni wona!”

Marku 10:51

Jesu a to mu wotisa a txi khene: “U lava ni txi ku mahela txani kani?” Wa dibhofu a to angula a txi khene: “M'gondisi, maha ti to ni tshumela ni wona.”

Jeremiya 45:5

U ti lavela wuhombe kani? U nga wu lave, nguko ni na tisa dikhombo ka yotshe nyama, kuwomba Mkoma; ni na ningela wutomi wako wu txi xakelwa, ka otshe makhalo u no ya ka ona.

Masalmo 45:9

Vanana va txisikati vavafumeli, va ti ti ho hagari ka mahorana; ngu didhawa dako da txinene ku ti ti ni mfumeli wa txisikati, a nga ambala syambalo so tshuriselwa ngu nzalama ya lisima ya Ofiri.

Varoma 8:34

Se i mani a nota va abanisa kani? Kristu, a nga fa, awu kambe a nga wuka a txi ya zumba txineneni ka Txizimu, ene ngene a hi kombelelako.

1 Vafumeli 2:19

Ngu konaho Bhate-Xebha a tota ka mfumeli Solomoni, a txi ta tshunda kuwomba Adhoniya, se mfumeli a to khukha eya tshangana nayo, a txi nama masoni kwakwe; se a to khalahatsha txikhaloni kwakwe ka wukoma, a to rumisa ku ku txi vekwa txitulu txa mame wa mfumeli ngu didhawa da txinene, a to khalahatsha ka txona.

Marku 16:19

Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Matewu 20:22

Aniko Jesu a to mu xamula a txi khene: “Kha mi txi zivi txi mi kombelako. Ina mi nga sikota kusela digombe da wuvi di ni no sela, kani?” Vona va to xamula va txi kha vona kwakwe: “Hi nga sikota.”