Matewu 20:19 - Bhiblia Yo Sawuleka

¹⁹ va na mningela ka vamatiko, kasiku ve mu ruketela ni ku mu kwapela ni ku mu bethela ha txihambanoni. Aniko ene ngu ditshiku da wuraru a na wuka.”

Matewu 20:19 Referans Kwoze

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Hoseya 6:2

Msana ka masiku mambidi, a na hi ninga wutomi; ngu ditshiku da wuraru a na hi wusa, hi hanya masoni kwakwe.

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Isaya 26:19

Vafi vako va na hanya, vafi vako va na wuka; vhumukani, kambe giyani, anu mi zumbako lithuluni, nguko mwando wako, awe Txizimu, wu na fana ni mwando wa mwasi, se mafu ma na tshotsha mapune vafi.

Masalmo 35:16

Va ni randete va txi ni xowokisela; ve gegeresela makwasa ngu txiviti ni nani.

Mithumo 21:11

Ene a to hi tshuketela e teka libhande la Paulo, a txi ti sunga ngu lona minenge ni mawoko, a txi khene: “Moya wo Sawuleka wu womba tiya: ‘Vajudha va na ya sungisa tona tiya, Jerusalema, dijaha di i ku nyamne wa libhande liya, se va na di ningela manzani ka vamatiko.’ ”

Mithumo 4:27

“Kha ditshuri va buthanile ka didhoropa diya Herodha ni Ponsio Pilato, ni vamatiko ni tixaka ta Israyeli, ve wukela txithumi txako txo sawuleka, awu u nga mu maha Mesiya.

Luka 24:46

Se a txi khene kwawe: “Ti bhatwe ti to Mesiya a ti fanela kuxaniseka, a txi wuka ngu hagari ka vakufa ngu ditshiku da wuraru,

Luka 23:11

Herodha ni masotxhwa akwe va to womba-womba nayo ngu ku mu eyisa ni ku mu poyilela. Se ve mu ambeka nguwo yo khetima, va txi tshumela ve m'rumela ka Pilato.

Marku 15:1

Ni mixo, vaphaxeli va hombe va to tshangana ve maha txikungo kumweko ni madhota ni vabhali ni dotshe Dibanza. Sekoko, va di sungile Jesu, va to mteka ve tsula veya mningela ka Pilato.

Marku 14:65

Se vamwani va to khata ku mthurela, ve mfenengeta khohe ngu nguwo, na va txi mpeka ngu sibhakela, va txi kha vona: “Hi nga huta!” Mahalamu ni ona ma txi mpeka ngu mipama.

Matewu 12:40

Kufana ni Jona a nga zumba mndani ka txihaka masiku mararu ni wusiku wa kona, nene Mwanana wa M'thu a na zumba mndani ka mafu masiku mararu ni wusiku wa kona.

Jobe 30:8

I ti ti vanana va siphuku-phuku, vanana va vathu vo mbi na matina, va ti ti tutumiswa ditikoni.

Matewu 17:23

vona va na m'daya, aniko ngu ditshiku da wuraru a na wuka.” Konako, vona va to telwa ngu dikhodho ngutu.

Matewu 27:26

Sekoko Pilato a to thukunyula Bharabhasi, e rumela ti to Jesu a na kwapelwe ngu sisepu, ngu msana e mningela kasiku eya bethelwa ha txihambanoni.

Matewu 27:63

veya mu gela tiya: “Awe mfumeli, ha khumbula ti to mxengeteli wule a wombile, a di ngadi a txi hanya, a txi khene: ‘Ni na wuka ngu ditshiku da wuraru.’

Marku 15:15

Sekoko Pilato, ngu kulava kutsakisa dibutho, a to thukunyula Bharabhasi se, msana ka kuva a di rumete kukwapela Jesu, a to mningela kasiku eya bethelwa ha txihambanoni.

Luka 18:32

Nguko a na ningelwa ka vamatiko, vona va na mtseketsela, ve mruketela, ni ku mthurela.