Matewu 20:16 - Bhiblia Yo Sawuleka

¹⁶ Se ngu toneto, ava i ku vo gwitisa va na va i di vo khata, ani va i ku vo khata va na va i di vo gwitisa.”

Matewu 20:16 Referans Kwoze

Matewu 19:30

Vavangi vo thanga va na va i di vo gwitisa, ani vavangi vo gwitisa va na i di vo thanga.”

Marku 10:31

Kambe vavangi vo thanga va na va va magwito, se va magwito va na va vo thanga.”

Matewu 22:14

Kha ditshuri mbavangi va nga dhanwa, aniko mba dotho va nga sawulwa.”

Luka 15:7

Na mi gela ku khani, kufana ni toneto, nzumani ku nava ni litsako la hombe ngutu ngu mhaka ya muonhi mmweyo a nga hunduluka, kupinda litsako la kutsakela mtxhanu wa magumi ni mune ni mtxhanu ni mune wa vathu va kululama, va si faneliko kuhunduluka.”

Varoma 9:30

Se hi na khathu txani kani? Hi khathu: Vamatiko va va nga ti si xoti kululama, va ku mani kululama ku i ku ka kukholwa.

Matewu 7:13

“Wulelani ngu txike txo songa, nguko txike txa kuanama ni nzila ya kuanama si yisa kulovani; se mbavangi va wulelako ngu sona.

Varoma 8:30

Avale txi nga va sikela ngu kale, ngu vona va txi nga va dhana; se avale txi nga va dhana, ngu vonavo txi nga va maha valulami; se avale txi nga va maha valulami ngu vona txi nga va ninga wudhumo.

Luka 14:24

Nguko na mi gela ku khani: Ni mmweyo wa va va nga rambwa kha na mbi danza txilalelo txangu.’ ”

1 Vatesalonika 2:13

Ngu toneto, nanathu ha bonga yotshe mbimo ka Txizimu, nguko msana ka kuva mi di amukete dipswi da Txizimu, adi hi nga txhumayela, mi di amukete kota nga dipswi da Txizimu mpela, i si nga ku di fananisa ni dipswi da kuhuma ka m'thu. Atiya ngu tona ti ti mi ningako mtamo anu mi kholwako.

Varoma 5:20

Mlayo wu tile kasi kuonha ku txi anda; aniko, ahawa kuonha ku nga anda kona, kateko yi andile ngu kupindisa;

Luka 7:47

Ngu mhaka ya toneto, na kugela ku khani: A divaletwe sionho sakwe sasingi, nguko a kombile lirando la hombe ngutu. Aniko awule a nga divalelwa sa sidotho, wo va ni lirando la lidotho.”

Matewu 21:31

Se i mani ka vona va vavambidi, awu a nga maha kuranda ka tate wakwe, kani?” Se vona va txi kha vona: “Ngu wule wo khata.” Jesu a to va gela a txi khene: “Ngu ditshuri nanani na mi gela: Vakhupisi ni magelegele va na mi thangela kuwulela Mfumoni ka Txizimu.