Matewu 20:15 - Bhiblia Yo Sawuleka

¹⁵ Ina kasi kha ni nga ni fanelo yo maha kuranda kwangu ngu si i ku sangu kani? Mwendo awe wo va u di ni diso do biha, ngu kuva ani ni di wamnene kani?’

Matewu 20:15 Referans Kwoze

Dhewuteronome 15:9

Ti wonele ti to ku si maneki mipimiso yo biha mbiluni kwako, u txi khata kuwomba u txi khawe: Da hoka dilembe da wutxhanu ni mambidi, dilembe da kudivalela sikweneti, se u txi wona mwanana wa txisiwana ngu maso o biha, u si mningi txilo; ene a na dila ka Mkoma ngu ngawe, se awe u na va ni txionho.

Marku 7:22

wugango, kunavela ko biha, tshofu, kukanganyisa, ku ambi ti ñola, mabava, sisolo, kutikulisa, wukhwanda.

Matewu 6:23

Aniko, ngako diso dako di di bihile, wotshe mmidi wako wu na va mtemani. Ngu toneto, ngako liwoningo li li ku kwako i di txidema, txidema txa kona txi na va txo kulisa kutxani!”

Johani 17:2

nguko u mu ningile mtamo txitimwi ka votshe vathu, kasiku e ninga wutomi wo mbi guma ka votshe vale u nga mninga.

Vaefesu 2:1

Nananu mi ti fite ngu konaho ka minandu ni sionho sanu,

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

1 Vakorinto 4:7

Kunene, kasi i mani wu a sawulako kani? Nji txani u ku natxo awe, txo va u sa maha ngu kuningwa kani? Se ngako u di ningilwe, nji txani u txi ti guleta, nga hi nga so si mana ngu kuningwa kani?

Mithumo 13:45

Sekoko ngu kuwona dibutho da vathu, Vajudha va to tala ngu kubavela, se va txi angula ngu siruko ka timhaka tiya Paulo a nga ti womba-womba ngu tona.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Mavingu 28:22

Awule a ku ni diso do biha, a tutumela tithomba, kambe kha ti zivi taku wusiwana wu nata kwakwe.

Mavingu 23:6

U ngadye sakudya sa wule a ku ni maso a wutona, hambi kunavela sakudya sakwe so tshamba ngutu.

Dhewuteronome 28:54

Hambi m'thu wo ti themba, awu i ku txivelekwa, hagari kwanu, a na wona ngu maso a kubonzolota mwanawe, ni msikati wule i ku txirandwa txakwe, ni vanana vakwe vale va nga sala va txi hanya;

Eksodha 33:19

Kambe Mkoma a to khene: “Ni na pindisa ngu masoni kwako wotshe wunene wangu, kambe ni na huwelela masoni kwako ditina dangu. Ni na mahela wunene awule ni mlavako, ni kambe ni na mahela wumbilu awule a ni tsakisako.”

Jakobe 5:9

Mi nga mangalaneni, vanathu, kasiku mi si ta lamulwa. Wonani ti to Mlamuli a ha txikeni.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Vaefesu 2:5

hi nga ti fite ngu mhaka ya sionho sathu, txi hi hanyisile kumweko ni Kristu. Ina! Mi hanyisilwe ngu makatekwa.

Jeremiya 18:6

“Anu nyumba ya ka Israyeli, ina ni nga tandeka ku mi mahisa ti a nga mahisa tona muwumbi wuwa kani? Wona ku nga dibumba di di ku manzani ka muwumbi, ngu toneto mi ku ngu tona manzani kwangu, anu va nyumba ya ka Israyeli.”

Matewu 20:14

Ngu toneto, teka si si kulumbako, u txi tsula. Ni maha ati ni ti lavako ka wu wo gwitisa kufana ni kwako.