Matewu 20:12 - Bhiblia Yo Sawuleka

¹² ‘Ava vo gwitisa, va thumile txikhati tximwetxo dwe, aniko ni vona u va ningile hakhelo yimweyo ni nathu hi nga timisela mikaralo ya ditshiku dotshe, hi txihya ngu lisani.’

Matewu 20:12 Referans Kwoze

Luka 12:55

Ngako ku txi peka diphuho da wulambwe, mi khanu: ‘Li na vaho lisani’, se ku txi mahisa toneto.

Jakobe 1:11

Nguko, neti ditambo di txi huma ni kuhisa ka dona, di omisa mwasi, se siluva sa wona si txi mora, kutshura ka wona ka mwalala; ngu tona ti a gwitisako tona nyatithombe ni mabhindu akwe.

Vaefesu 3:6

ti to vamatiko i sidya-thomba ni vona kumweko ni Vajudha, va lumba lixaka limwelo, se kambe va na mana kuvhuneka ni vona ka txonetxo txithembiso txa tximwetxo txa Kristu, ngu mtamo wa Evhangeli.

1 Vakorinto 4:11

kala txikhati txa nyamsi ha xaniseka ngu nzala, ni ditora ni wusakato; ha yamaselwa ngu mipama, hi vaxeleleki;

Varoma 3:30

Nguko Txizimu njimwetxo dwe, atxiya txi no ninga wululami ava i ku va wukwera ngu mhaka ya kukholwa, ni va i ku makhutu na va txi kholwa ni vona.

Varoma 3:27

Se ku ti dhumisa kwathu ku ka tihi kani? Kufuvisilwe! Ngu mlayo muni kani? Ngu mlayo wa mithumo kani? Ahim-him. Kambe kufuvisilwe ngu mlayo wa kukholwa.

Malakiya 3:14

Anu mi khanu: Kha ti vhuni txilo kuthumela Txizimu; ti hi vhunile txani kuxayisa sileleto sa txona, ni kutsimbila hi di ambate mizila ya txidilo masoni ka Mkoma wa Mabutho a Tiyimbi kani?

Malakiya 1:13

Se mi khanu: Wonani kunemela ka tona! Se mi ti ningete kutxhipiswani, kuwomba Mkoma wa Mabutho a Tiyimbi; anu mi ningela so piwa, so limala, ni so lwala; se mi mahisa eto miningelo; si amukelwa soneso sa kuta ngu manzani kwanu kani? Kuwomba Mkoma.

Jona 4:8

Se ku to maheka taku, kuhumani ka ditambo, Txizimu txi rumela moya wo hisa wa wutxani, se ditambo di peka msungo wa Jona, se a to tsivala; e navela ngu wotshe moya wakwe kufa, a txi khene: “I txhuko kwangu kufa kupinda kuhanya.”

Matewu 20:11

Mbimo yi va nga holelwa, va to khata kukalala ka nyamne wa m'ti, va txi kha vona: