Matewu 2:7 - Bhiblia Yo Sawuleka

⁷ Sekoko Herodha, a di dhani phuho titxhari tile, a to ti wotisisa kwati mbimo yi nyeleti yi nga va humela ngu yona.

Matewu 2:7 Referans Kwoze

Masalmo 55:21

Va womba-womba mapswi o swililika kupinda bhotela, aniko mipimiso yawe nja yimbi; va womba-womba mapswi o tshamba kupinda mtona, kasi ona matxhari o lotwa.

1 Samuwele 18:21

Se Sawule a to khene: Ani ni na mninga, kasiku e va mlawu ni ku dianza da Vafilista di txi wela txitimwi kwakwe. Ngu kumaha keto, Sawule a to khene ka Dhavhidha: Ngu kuteka mmwani, nyamsi u na maha mwane wangu.

Eksodha 1:10

He thumiseni wutxhari kasiku hi si va leki ve anda, nguko hahanze ka toneto, ka mbimo ya yimbi, va na tatisa mtengo wa valala vathu, va txi hi lwisa, ngu msana va txi huma mu ditikoni.”

Mtuletelo 12:15

Mnyoka wu to kosa mati o nga mnambo msana ka wamsikati, kasi ku e ndindwa ngu mswinga wa ona.

Mitengo 24:17

Ni na mmona, aniko na i si nga konkuwa; Ani ni na mmona aniko i si nga hafuhi; nyeleti yokari yi nata ngu ka Jakobe, ni ndonga yi na huma ngu ka Israyeli, kambe yi peka mihingano ya Vamowabhi, yi txi khundumusa votshe vanana va Sete.

Matewu 2:1

Ngako Jesu a di velekilwe Bhetlehema ka Judheya, ka mbimo ya mfumeli Herodha, konaho titxhari ta wutxani ti to bwaka Jerusalema,

Matewu 2:8

Se a txi va rumela Bhetlehema, a to va gela a txi khene: “Tsulani mi txi ya wotisela ta tinene mhaka ya mwananeyo; kambe ngako mi txi mu mana, ni ziviseni, kasiku nanani ni tsula ni ya mu khozela.”

Matewu 2:16

Sekoko, ngako Herodha a di woni ti to a kanganyisilwe ngu titxhari, a to henya ngutu, se e rumela kuya dayela votshe vanana va sizambiana va Bhetlehema ni va dotshe ditiko da kona, va tanga ya malembe mambidi ni kuya hahatshi, madingano ni mbimo yi a nga wotisisa ngu yona ka titxhari.

Mithumo 24:22

Sekoko Felikisi, ngako a di yi mani kha kwati mhaka ya Nzila yileya, a to vhala dibanza, a txi khene: “Ngako mthangeli wa hombe Lisiya a di relete a txi ta kheno, ngu kona ni nota wila mhaka yanu.”