Matewu 2:6 - Bhiblia Yo Sawuleka

⁶ “Awe Bhetlehema, ditiko da Judheya, khu nga m'dotho hagari ka madhoropa a hombe a ka Judha, nguko mthangeli wu a no xayisa ngamu yangu Israyeli a na velekelwa kwako.”

Matewu 2:6 Referans Kwoze

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

Johani 7:42

Ina Mibhalo kha yi wombi ti to Mesiya a na huma ka lixaka la Dhavhidha, a txi velekelwa Bhetlehema, didhoropa di Dhavhidha, a nga tumbuluka ka dona, kani?”

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

Mtuletelo 2:27

Se a na ma dyisa ngu ndonga ya simbi ya wukoma, e ma fayetela nga tikhadi ta dibumba,

2 Samuwele 5:2

Hambi ni kale, Sawule a txi fuma txitimwi kwathu, ngawe u nga ti ti huma ni kuwulela ni Israyeli; kambe Mkoma a ti khene kwako: Awe u na dyisa vathu vangu va ka Israyeli, ni ti to awe u na va mthangeli txitimwi ka Israyeli.

Vakolosa 1:18

Ene i Msungo wa Dibanza i ku Mmidi wakwe. Ene i makhato, i matiwula a votshe vava va wukako ngu ka vafi; ngu toneto a mani wuthangeli ka sotshe simaha.

Matewu 2:1

Ngako Jesu a di velekilwe Bhetlehema ka Judheya, ka mbimo ya mfumeli Herodha, konaho titxhari ta wutxani ti to bwaka Jerusalema,

Vaefesu 1:22

Hahatshi ka mikondo ya Kristu, Txizimu txi vekile sotshe simaha, kambe txi mmahile Msungo wa dotshe Dibanza,

1 Makronika 5:2

Nguko Judha i ti ti wa hombe hagari ka vanawe, se ngu kwakwe, ku to huma mthangeli; kambe wutiwula i ti wa Josefa),

Mitengo 24:19

Se ngu ka nyumba ya Jakobe, ku na huma mfumeli. A na lovisa votshe va va no sala mitini.

Johani 21:16

A to engeta da wumbidi, a txi khene: “Simoni, mwana Johani, awe wa ni randa kani?” Ene a xamute, a txi khene: “Ina, Mkoma, awe wa tiziva ti to ani na kuranda.” Jesu a mgete, a txi khene: “Dyisa tinvuta tangu.”

Ezra 2:21

Vanana va Bhetlehema, 123.

Vahebheru 7:14

Nguko, ti ha kubasani ti to Mkoma wathu a humete ka lixaka la Judha, ali Mosi asi wombiko txilo ngu lona ka timhaka ta wuphaxeli.

Mtuletelo 7:17

Nguko Txinvutana txi txi ku ha txikhaloni ka wukoma txi na va dyisa, txi va kombisa nzila ya kuya ka sisima sa mati a wutomi. Se Txizimu txi na va bahulela mirongo yotshe ka maso awe.”

1 Makronika 2:51

ni Salima tate wa Vabhetlehema, ni Harefi, tate wa Bheti-Gadheri.