Matewu 2:5 - Bhiblia Yo Sawuleka

⁵ Se vona va mgete va txi kha vona: I Bhetlehema ka Judheya nguko ti bhatwe toneto ngu mprofeti a txi khene:

Matewu 2:5 Referans Kwoze

Johani 7:42

Ina Mibhalo kha yi wombi ti to Mesiya a na huma ka lixaka la Dhavhidha, a txi velekelwa Bhetlehema, didhoropa di Dhavhidha, a nga tumbuluka ka dona, kani?”

Rute 1:1

Se ku to maheka taku, ka masiku a kulamula ka valamuli, kuhumelela nzala ditikoni; se wamwamna wokari wa Bhetlehema ka Judha a to rura eya ditikoni ka Mowabhi, ene ni msikati wakwe, ni vanana vawe vavambidi va vafana.

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

Rute 2:4

Se wona taku Bhowazi a to ta ngu Bhetlehema, a txi ta womba ka vaeluli a txi khene: “Mkoma a nave ni nanu!” Se vona va to mxamula ku kha vona: “Mkoma a na ku katekise!”

Rute 4:11

Se votshe vathu vale va nga ti ti ha banza, ni madhota, va to kha vona: Hi tifakazi; Mkoma a na mahe ti to awu wamsikati a wulelako nyumbani kwako, a txi fanana ni Rakeli ni Leya, avale ngu wumbidi wawe va nga aka nyumba ya ka Israyeli; kateka ngutu amu ditikoni ka Efrata, u txi maha wa ditina da nduma amu Bhetlehema.

Rute 1:19

Ngu kumaha keto koko, va to tsula ngu wumbidi wawe, kala veya hoka Bhetlehema. Se ku to maheka taku, mbimo yile va nga txi wulela Bhetlehema, dotshe didhoropa di to xamala ngu mhaka yawe, va txi kha vona: “Ina hi nga Nowemi wuwa kani?”

Joxuwa 19:15

kupata ni Kateki, ni Nahalali, ni Simitoni, ni Jidhala, ni Bhetlehema: Digumi da madhoropa ni mambidi ni miti ya kona.

Genesisi 35:19

Rakeli a to fa, se e kelelwa hafuhi ni nzila ya kuya Efrata, i ku Bhetlehema.

Matewu 2:1

Ngako Jesu a di velekilwe Bhetlehema ka Judheya, ka mbimo ya mfumeli Herodha, konaho titxhari ta wutxani ti to bwaka Jerusalema,

Matewu 2:4

Se a to dhana vaphaxeli va hombe ni vabhali va ditiko, a txi va wotisa ahawa a nga ti fanela kuvelekelwa kona Mesiya.

Valamuli 17:7

Se ku ti tiho dijaha dokari da Bhetlehema ka Judha, wa lihunzu la ka Judha, i nga ti ti Mulevhi, na i ti muluveli.