Matewu 2:4 - Bhiblia Yo Sawuleka

⁴ Se a to dhana vaphaxeli va hombe ni vabhali va ditiko, a txi va wotisa ahawa a nga ti fanela kuvelekelwa kona Mesiya.

Matewu 2:4 Referans Kwoze

Mithumo 23:9

Se ku to vangwa diguwa da hombe; vabhali vokari va mtxawa wa Vafarisi va to ema ve kaneta ngu mtamo, va txi kha vona: “Kha hi mani mnandu ni wawumwewo ka m'thu wuwa; se i di moya wu nga womba-womba nayo ko? Mwendo kambe ngelozi ko?”

Mithumo 6:12

Ngu toneto, va wusile vathu, ni madhota ni vabhali, se va to mu tela ngu txidhukisa, va ta mñola, ve mu yisa banzani ka wukoma.

Matewu 21:23

Msana keto, a to wulela Dithepeleni. Mbimo yi ene a nga ti gondisa, vaphaxeli va hombe ni madhota a ditiko va to mu yela va txi ya kha vona kwakwe: “U wu mana hani mtamo wa kumaha tiya kani? I mani a nga kuninga mtamo wo ngeto kani?”

Matewu 7:29

Nguko a ti ti va gondisa kufana ni m'thu wu a ku ni wukoma, asi fani ni vabhali.

Mithumo 4:5

Ka ditshiku di di gametako, vafumeli va Vajudha ni madhota ni vabhali, va to sengeletana Jerusalema.

Johani 18:3

Sekoko, Judha a to teka mtxawa wa masotxhwa ni simwani sithumi sa vaphaxeli va hombe ni Vafarisi, e tsula navo koneyo, na va di xomile malambu, ni misanje ni matxhari.

Johani 8:3

Konako, vabhali ni Vafarisi va to mu tisela wamsikati, a nga manwa wugangoni, se va to mu veka hagari ka vathu.

Johani 7:32

Vafarisi va to engisa ku dibutho di nga txi ngurangura ngu mhaka yakwe: Konako vaphaxeli va hombe ni Vafarisi va to ruma mahalamu kuya mu ñola.

Johani 3:10

Jesu a to mu xamula a txi khene: “Awe u m'gondisi wa Israyeli, se khu ti zivi timhaka tiya kani?

Luka 23:10

Vaphaxeli va hombe ni vabhali, va nga ti ho konaho, va ti ti ya masoni ngu ku mu mangalela.

Luka 20:19

Se vaphaxeli va hombe ni vabhali va txi lava ku mñola ka txonetxo txikhati, aniko ve thava mtalo wa vathu, nguko va ti pfite ti to a ti mahela vona txidinganiso txiya.

Jeremiya 8:8

Ngu kutxani mi ku khanu: Athu hi txharihile, hi ni Mlayo wa Mkoma kani? Wona mtenga wa makuhu a vabhali, wu hembile makuhu.

Marku 8:31

Se a to khata ku va gondisa tito: “Mwanana wa M'thu a fanete kuxaniseka, a txi nyenywa ngu madhota a ditiko ni vaphaxeli va hombe ni vabhali, e dawa, e tshumela a txi wuka ngu ditshiku da wuraru.”

Matewu 27:1

Ngako di di txite, votshe vaphaxeli va hombe ni madhota a ditiko, va to tshangana ve maha txikungo txa kulenga Jesu, kasiku ve m'daya.

Matewu 26:47

Ene a di ngadi a txi womba tiya, konaho ku to bwaka Judha, mmweyo wa va digumi ni vambidi, ni dibutho da hombe da vathu kumweko nayo, na va di ni matxhari ni migomba, va txi ta ngu kurumwa ngu vaphaxeli va hombe ni madhota a ditiko.

Matewu 26:3

Sekoko vaphaxeli va hombe ni madhota a ditiko va to tshangana digumani ka Mphaxeli wa Hombe a nga ti dhanwa ku i Kayifasi.

Matewu 21:15

Ngu mhaka ya sixamaliso si a nga ti si maha, ni vanana va nga ti embelela Dithepeleni va txi kha vona: “Hozana ka Mwanana wa Dhavhidha,” vaphaxeli va hombe ni vabhali va to henya,

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.

Masalmo 2:2

Vafumeli va mafu va wukile, vakoma va maha txikungo hagari kwawe txa kuwukela Mkoma Txizimu, ni kuwukela Mkoma wule txona txi nga msawula.

Nehemiya 12:7

Salu, Amoki, Hilikiya, e Jedhaya; avava i ti ti vathangeli va vaphaxeli ni va vanawe, ka masiku a Jesuwa.

Ezra 10:5

Sekoko Ezra a to khukha e xambanyisa vathangeli va vaphaxeli ni Valevhi, ni votshe va ka Israyeli, ati to va na maha madingano ni dipswi diya; se vona va to xambanya.

Ezra 7:6

Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.

2 Makronika 36:14

Votshe vathangeli va vaphaxeli ni vathu votshe va to londetela manyala ni sihena so nyenyeza sa vamatiko, va txi nyenyezisela Nyumbani ka Mkoma, mule a nga ti ti kusawulekisete Jerusalema.

2 Makronika 34:15

Se Hilikiya a to gela mabhalani Safani a txi khene: Ni mani dibhuku da Mlayo Nyumbani ka Mkoma. Hilikiya a to ningela dibhuku ka Safani.

2 Makronika 34:13

Ku ti ti ni varwali ni woneleti va mthumo wotshe wu va nga ti ti wu maha, se Valevhi vamwani i ti vamabhalani, ni vathangeli ni va woneleti va sike.

Matewu 2:3

Se a txi engisa tiya Herodha, a to dhuka ngutu, ene ni dotshe didhoropa da Jerusalema.

Matewu 2:5

Se vona va mgete va txi kha vona: I Bhetlehema ka Judheya nguko ti bhatwe toneto ngu mprofeti a txi khene: