Matewu 2:23 - Bhiblia Yo Sawuleka

²³ eya aka ka didhoropa di di dhanwako ku i Nazareta ahawa a nga ya zumba kona, kasi kutatiseka ati ti nga wombwa ngu vaprofeti va txi kha vona: “A na dhanwa ku i Munazareta.”

Matewu 2:23 Referans Kwoze

Valamuli 13:5

Nguko u na mana txirumbu u txi veleka mwanana wa mfana, eyo ha msungo kwakwe ku nga thuke ku txi pinda limo, nguko mfaneyo a na va i di munazira wa Txizimu, kukhukhela mndani ka mame wakwe, se ene a na khata kutxhatxhisa va ka Israyeli, manzani ka Vafilista.

Marku 1:24

“Nji txani u ku natxo ni nathu, Jesu wa Nazareta kani? U tela ku ta hi lovisa kani? Ani na kuziva ti to ngawe mani: U Msawuleki wa Txizimu.”

Matewu 26:71

Se a di khukhile ha txikeni, a to wonwa ngu tximwani txithumi txa wamsikati, awu a nga gela ava va nga ti ti ho konaho, a txi khene: “Awuwa nene a ti kumweko ni Jesu wa Nazareta.”

Matewu 1:22

Totshe tiya ti mahekile kasi kutatiseka atile Mkoma a nga womba ngu mprofeti, a txi khene:

Mithumo 24:5

Hi mani m'thu wuwa i ku mtungu a wusako mazunga hagari ka votshe Vajudha va ditiko. Ene i mthangeli wa mtxawa wa Vanazareta.

Mithumo 2:22

“Anu vavamna va ka Israyeli, engisani mapswi awa: Jesu wa Nazareta, i ku m'thu wu a nga fakazelwa ngu Txizimu hagari kwanu ngu mithumo ya mtamo ni sidiwukiso ni sikombiso si Txizimu txi nga si maha hagari kwanu ngu ngene, kota nga ti mi ti zivako.

Johani 19:19

Pilato a to bhala m'bhalo, veya wu nameketa txitimwi ka txihambano. Ku ti bhatwe tito: “Jesu wa Nazareta, mfumeli wa Vajudha.”

Johani 18:7

Se ene a to va wotisa kambe, a txi khene: “Mi lava mani kani?” Vona va to kha vona: “Hi lava Jesu wa Nazareta.”

Johani 18:5

Vona va to xamula, va txi kha vona: “Hi lava Jesu wa Nazareta.” Se Jesu a to va gela, a txi khene: “Ngani wuwa.” Se Judha muwongi, a ti navo.

Luka 2:39

Msana ka kuva va di hetisile sileleto sa Mlayo wa Mkoma, va to wuya Galileya, didhoropani kwawe ka Nazareta.

Luka 1:26

Se ka mtxima wa wutxhanu ni wumwewo wa txirumbu txa Izabheli, yi rumetwe ngelozi Gabrieli ngu Txizimu ka didhoropa da Galileya, adiya di dhanwako ku i Nazareta;

Mitengo 6:13

Awuwa mlayo mbwa wunazira wakwe; a na tiswa ha txikeni ka ditenda da msengeletano;

1 Samuwele 1:11

Se a to maha txixambanyo, a txi khene: Awe Mkoma wa Mabutho a Tiyimbi! Ngako ngu ditshuri u txi wona kuxaniseka ka txithumi txako, se u ni alakanya, kambe u si divali txithumi txako, aniko u ninga txithumi txako mwanana wa mfana, ni na mningela ka Mkoma masiku otshe a kuhanya kwakwe, ha msungo kwakwe kha ku na mbi pinda limo.

Matewu 21:11

Dibutho di txi angula, di txi kha dona: “Awuwa i Jesu, mprofeti wa Nazareta ka Galileya.”

Marku 1:9

Ka oneyo masiku, Jesu a tile ngu Nazareta ka Galileya, a ta bhabhatiswa ngu Johani, mnamboni ka Jordhani.

Luka 18:37

Ve mu gela ku kha vona: “I Jesu wa Nazareta a pindako.”