Matewu 2:19 - Bhiblia Yo Sawuleka

¹⁹ Mbimo yi Herodha a nga fa, Ngelozi ya Mkoma yi to woneka ngu miloro ka Josefa, kona ditikoni ka Egipta, yi txi mu gela tiya:

Matewu 2:19 Referans Kwoze

Matewu 1:20

Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

Dhaniyeli 8:25

Se ngu wuzivi wakwe kambe, a na humelelisa wukanganyisi manza kwakwe, se mbiluni kwakwe a na tikulisa, ngu mhaka ya kuthutha a na lovisa votala e wukela mthangeli wa vathangeli, kambe a na funywa na i si nga ngu diwoko da m'thu.

Matewu 2:22

Aniko mbimo yi a nga engisa ti to Arkelawu ngene a fumako Judheya, kutsiveta tate wakwe Herodha, Josefa a to kana-kana kuwuya. Se a di zivisilwe ngu miloro, a to khukha a txi ya ditikoni ka Galileya;

Dhaniyeli 11:45

A na gwimba matenda akwe a wukoma hagari ka Linene la hombe, ka mmango wo sawuleka wo tshura ngutu, kambe a naya gwitelwa, kupwateka ni wo m'vhuna.

Ezekhiyele 11:16

Ngu kumaha keto, va gele ku khawe: Mkoma Txizimu a womba a khene: Hambiko ni nga va tshotsha kule hagari ka matiko, ni ku ni nga va hangalasa ka matiko, hambi keto, ni na va wukhalo wawe wo sawuleka, ka mbimo yayidotho, ka ona matiko ale va nga ya ka ona.

Jeremiya 30:10

U nga thave koko, awe txithumi txangu Jakobe, kuwomba Mkoma, kambe u nga xamale, awe Israyeli; nguko ni na kuhumisa ka matiko a kule, ni vanana vako, ngu ditikoni ka wukhumbi wawe; se Jakobe a na wuya, e ta humula, kambe a na zumbiseka, kha ku na mbi vaho wo m'dhukisela.

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Masalmo 139:7

Ni nga ya hani kasi kuya va kule ni Moya wako kani? Ni nga thavela hani kasi kuve kule ni khohe yako kani?

Masalmo 76:10

Txiviti txako txa kuhenyela vabihi txa hinduka txi maha wudhumo wako; vathu va va nga huluka kufa ngu yimbi va na maha m'buso wa ku kualakanya!

Matewu 2:20

“Khukha u teka mwanana ni mame wakwe, u txi tsula ditikoni ka Israyeli, nguko avale va nga ti bheja kudaya mwanana se va fite.”

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”

Mithumo 5:19

Kambe Ngelozi ya Mkoma yi to tula matimba mkorani ni wusiku, yi va humisa hahanze, yi txi kha yona: