Matewu 2:18 - Bhiblia Yo Sawuleka

¹⁸ “Huwa yi pfate Rama, kudila ni kupandiseka ka hombe: I Rakeli a dilako vanana vakwe asi tumeli ni kuthavelelwa, nguko vanana kha va nga ngadi ho.”

Matewu 2:18 Referans Kwoze

Jeremiya 31:15

Mkoma a khene: Huwa ya pfala aniya Rama, ya xomulo ni kudila ka txiviti, i Rakeli a dilelako vanana vakwe wa lamba kuthavelelwa nguko vanana kha va nga ngadi ho.

Jeremiya 4:31

Nguko napfa dipswi do fana ni da wamsikati a lumwako, na di txi dikwila nga wamsikati wo tiwula. Dipswi da m'horana wa Siyoni, a hefemutekako ni kunawuluta manza akwe, a txi khene: “Yowe, dikhombo dangu koko! Moya wangu wa tsivala masoni ka sidayi.”

Ezekhiyele 2:10

Se a to di tula masoni kwangu, dona di ti ti bhatwe mndani ni hahanze, kambe ka dona ku ti ti ni mibhalo ya sidilo, ni tihuwa ni makhombo.

Genesisi 37:30

se a di tshumete a txi wuya ka vanawe, a ti ta khene: “Mfana kha nga ho amule! Se ani ni ya hani kani?”

Mtuletelo 8:13

Se konako ni to wona ni kuengisa ngungwa yi nga ti puruma txitimwi ha mpfhukani, yi kwangula ngu dipswi da hombe, yi txi: “Dikhombo, Dikhombo! Dikhombo ka vale va nga aka ha mafuni, mbimo yi yi no vetwa mipundu ya tingelozi ta tiraru ti ku ngadi ti txi na veta!”

Jobe 14:10

Aniko a txi fa m'thu, wa guma, ina, a di ningete muhefemulo wakwe m'thu, ahani kani?

Genesisi 42:36

Sekoko tate wawe Jakobe, a va gete, a txi khene: “Anu mi zama kuheta vanana vangu: Josefa khaswi a diho kambe, Simiyoni kha nga ho hawa, se mi lava ku ni tekela ni ene Bhenjamini! Totshe tiya ti txitimwi kwangu.”

Matewu 2:17

Konaho ku tatisekile ati ti nga wombwa ngu mprofeti Jeremiya, a nga khene:

Luka 8:52

Kambe va ti ha masalukoni, va txi dila ngu ngene. Se Jesu a txi khene: “Mi nga dileni. Kha fa, a to otela.”