Matewu 2:16 - Bhiblia Yo Sawuleka

¹⁶ Sekoko, ngako Herodha a di woni ti to a kanganyisilwe ngu titxhari, a to henya ngutu, se e rumela kuya dayela votshe vanana va sizambiana va Bhetlehema ni va dotshe ditiko da kona, va tanga ya malembe mambidi ni kuya hahatshi, madingano ni mbimo yi a nga wotisisa ngu yona ka titxhari.

Matewu 2:16 Referans Kwoze

Isaya 59:7

Mikondo yawe yi tutumela wubihi, kambe va kuluvetela kuya theketa mnoha wo mbi na mnandu; mipimiso yawe mipimiso ya wubihi; kuhoxota ni kukhundumusela si tinzilani kwawe.

Mavingu 28:15

Kufana ni ngonyamo yo bhonga-bhonga, ni ursu yo pfa nzala, ngu toneto a mahisako tona muonhi wule a khozisako sisiwana.

Mtuletelo 17:6

Se ni to wona ti to wamsikati a ti levile ngu mnoha wa vasawuleki ni mnoha wa tifakazi ta Jesu. Ngako ni txi mu wona ni to tala ngu kuxamala ngutu.

Hoseya 10:14

Ngu toneto, hagari ka vathu vako ku na wuka dizunga da hombe, se yotshe mikhokhola yako mi na hoxotwa, ku nga Salimani a nga hoxota Bheti-Arbheli ngu ditshiku da yimbi; mame ahale a phatuletwe ni vanana vakwe.

Dhaniyeli 3:13

Sekoko Nebhukodhonosori, ngu kuhenya ni txiviti, a to rumela kuya dhana Xadrake, ni Mixake, ni Abhedhi-Nego. Se vavamna vava va to tiswa masoni ka mfumeli.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

2 Vafumeli 8:12

Se Hazayeli a to wotisa ku khene: Awe nyamne wangu wo dilela txani kani? Se Elixa a to xamula ku khene: Ngu ti to na ziva dikhombo di u no di maha txitimwi ka vanana va ka Israyeli. U na hisa mikhokhola yawe ngu mndilo, u na daya majaha awe ni mahorana ngu ditxhari, ni vafana vawe u na va tshatulela, u bhandelela sirumbu ka vavasikati.

Valamuli 16:10

Sekoko Dhalila a to khene ka Samusoni: “Wona taku u ni poyite, ngu ku ni gela makuhu; se ni gele kona kuwa, ti to ni nga kusunga ngu txani?”

Genesisi 49:7

Yi na va wuyisele dikhombo tshofu yawe ya kwa mbi dinganiswa, txi na mahe dikhombo txiviti txa wurena wawe. Ani ni na va hangalasa hagari ka ditiko da Israyeli.

Mavingu 28:17

Awu a ti rwekako mnandu ngu kudaya m'thu, a na ya gwitela nawo diphalani, kha nga ho a no muemisa.

Jobe 12:4

Ani ni txisekiso ka vangana vangu; ani na dhana Txizimu, se txona txa ni xamula; wamnene ni wo lulama vo maha sisekiso.

Mitengo 24:10

Sekoko konaho, Bhalake a to henyela Bhalahamu, kambe a pekile manza akwe; se Bhalake a to khene ka Bhalahamu: “Ni ku dhanete ku ta ruka valala vangu; aniko awe konkuwa se u va katekisile kuraru do gwita!

Mitengo 22:29

Bhalahamu a to xamula mbongola a txi khene: Ni kupeka nguko, awe wa ni txangamela! I ti ku ni di ni ditxhari manzani, ni ndi na kuthola ngu dona.

Genesisi 39:17

Sekoko a to m'geletela ona mapswi ale, a txi khene: “Txithumi txiya txa Muhebheru u nga ni wuyisela hawa ha m'tini, txi tile kwangu, txi ta ni ruketela.

Genesisi 39:14

e dhana vathu va ha m'tini kwakwe a txi va gela tiya: “Wonani! Potifari a hi wuyisete Muhebheru wuwa, se wa maha tawalo. Ene a tile kwangu e lava kuotela ni nani, aniko ni pekile huwa ya hombe,

Matewu 2:1

Ngako Jesu a di velekilwe Bhetlehema ka Judheya, ka mbimo ya mfumeli Herodha, konaho titxhari ta wutxani ti to bwaka Jerusalema,

Matewu 2:7

Sekoko Herodha, a di dhani phuho titxhari tile, a to ti wotisisa kwati mbimo yi nyeleti yi nga va humela ngu yona.

Matewu 2:17

Konaho ku tatisekile ati ti nga wombwa ngu mprofeti Jeremiya, a nga khene:

Mtuletelo 12:4

Mkila wakwe wu txi wungeleta mpimo wa wuraru wa tinyeleti ta nzumani wu txi ti rinza ha mafuni. Mwamilambo a txi khalahatsha masoni ka wule wa msikati, a nga ti hafuhi ni kuveleka, kufela kukhadamula mwanana wule a nga ti lava kuvelekwa.