Matewu 2:15 - Bhiblia Yo Sawuleka

¹⁵ A ti ya zumba koneyo kala efa Herodha, kasi kutatiseka ati Mkoma a nga womba ngu txisofu txa mprofeti, a nga khene: “Ni dhani Mwanana wangu e huma ngu Egipta.”

Matewu 2:15 Referans Kwoze

Hoseya 11:1

Mbimo yile Israyeli i nga ti ti mfana, ani ni mrandile; se ni dhani mwanana wangu e huma ngu Egipta.

Eksodha 4:22

Sekoko u na ya gela Faro u txi khawe: Mkoma a womba tiya: Mwanana wangu wa matiwula ngu Israyeli.

Mitengo 24:8

Txizimu txi mthavisile Egipta; mtamo wakwe wu fana ni wa nyari; a na heta matiko a valala vakwe, kambe a na funya marambu awe, a txi va thola ngu miseve yakwe.

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Matewu 1:22

Totshe tiya ti mahekile kasi kutatiseka atile Mkoma a nga womba ngu mprofeti, a txi khene:

Matewu 26:54

Se yi na tatisekisa kutxani Mibhalo yi yi wombako ti taku: Totshe tiya ti fanela kumaheka?”

Matewu 21:4

Totsheleleto ti mahekile kasi kutatiseka ati ti nga wombwa ngu mprofeti, a nga khene:

Matewu 8:17

Kasi kutatiseka ati ti nga wombwa ngu mprofeti Isaya, a txi khene: “Ene a tekile sikarato sathu, a txi rwala ni malwati athu.”

Matewu 2:23

eya aka ka didhoropa di di dhanwako ku i Nazareta ahawa a nga ya zumba kona, kasi kutatiseka ati ti nga wombwa ngu vaprofeti va txi kha vona: “A na dhanwa ku i Munazareta.”

Matewu 2:19

Mbimo yi Herodha a nga fa, Ngelozi ya Mkoma yi to woneka ngu miloro ka Josefa, kona ditikoni ka Egipta, yi txi mu gela tiya:

Matewu 2:17

Konaho ku tatisekile ati ti nga wombwa ngu mprofeti Jeremiya, a nga khene:

Johani 19:36

Nguko totshe tiya ti mahekile kasi kutatiseka ati ti nga bhalwa, va txi kha vona: “Dirambu dakwe ni da dimwedo kha di na mbi funywa.”

Johani 19:28

Msana ka tiya, ngako Jesu a di woni ti to totshelele ti gumile, ni kufela kambe ku na tatiseka dipswi da Mibhalo, a to khene: “Nina ni ditora.”

Matewu 26:56

Sekoko totshe tiya, ti mahekile kasi kutatiseka Mibhalo ya vaprofeti.” Ngu konaho votshe vagondiswa, va to mleka, ve thava.

Mithumo 1:16

“Vavamna va khe kwathu, yi ti ni fanelo ya kutatiseka Mibhalo yi yi nga profetwa kale ngu Moya wo Sawuleka, ngu txisofu txa Dhavhidha, ayi yi wombako ngu Judha, awu a nga ti maha mthangeli wa vale va nga ñola Jesu.

Matewu 27:35

Msana ka ku mu bethela va to teka tinguwo takwe va txi abanela, va di thangile ngu kuxaxuva tixolo.

Matewu 2:14

Josefa a to khukha ni wusiku, e teka mwanana ni mame wakwe, ve tsula Egipta.