Matewu 2:11 - Bhiblia Yo Sawuleka

¹¹ Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

Matewu 2:11 Referans Kwoze

Isaya 60:6

Mitxhambi yo tala ya makamelu yi na ku fenengeta, a kuta ngu Midhiyani ni Efa; yotshe yi nata ngu Sabha, ya nata ni nzalama ni dibaselo, ve nuwela wudhumo wa Mkoma.

Masalmo 72:10

Vafumeli va Tarxixi ni va sitondolo va na m'luva; vafumeli va Sabha ni va Sebha va na rumela tinduvo!

Luka 2:16

Va to tsula ngu kukuluveta, veya mana Mariya ni Josefa, ni Mwanana, a nga ti otelisilwe mkawuni.

Matewu 2:2

ti txi kha tona: “Ahani mfumeli wa Vajudha awu a nga velekwa, kani? Nguko hi woni nyeleti yakwe wutxani, se hi tile ku ta mu khozela.”

Masalmo 95:6

Ngonani anu hi ta khozela ni kunama! A hi khizameni masoni ka Mkoma awu a nga hi vanga,

Masalmo 72:15

A na hanye mfumeli! Va na mninge nzalama ya Sabha! Va na mkombelela ngu ha ku si gwitiko, otshe masiku ku na kombelwa ka Txizimu ti to txi mkatekisa.

1 Vafumeli 10:2

Se a to ta Jerusalema ni dibutho da hombe, ni makameli ma di rwate sidyanadyana, ni nzalama yayingi ngutu, ni marigwi a lisima; e ta geletela Solomoni totshe ti a ngadi nato mbiluni kwakwe.

Mitengo 7:14

digombe dimwedo da nzalama, adi kunemela ka dona i ku ka digumi da maxekele, do tala ngu dibaselo;

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

Matewu 14:33

Se ava va nga ti ngalavani, va to tshuketa ve mu khizamela, va txi kha vona: “Kha ditshuri u Mwanana wa Txizimu!”

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Luka 2:38

Nene a to bwaka ka txonetxo txikhati, a txi dhumisa Txizimu ni kuxawutela timhaka ta Mwanana ka votshe vale va nga txi verela kuhulukiswa ka Jerusalema.

1 Samuwele 10:27

Kambe vanana va ka Bheliyali va to kha vona: Ina ngene wu a no hi txhatxhisa kani? Se va to mueyisa va si mtiseli siningo. Kambe ene a so ti maha diphazeve.

Mitengo 7:86

digumi da majingo ni mambidi a nzalama, o tala ngu dibaselo, dimwani ni dimwani di ti ti ni kunemela ka digumi da maxekele, madingano ni dixele da wukhalo wo sawuleka, yotshe nzala ya majingo, yi ti ti ni kunemela ka 120 wa maxekele;

Levhi 6:15

Se a na tata dianza ngu mpupu wa wunene wa mningelo, ni mtona wa kona, ni dotshe dibaselo di di ku txitimwi ka mningelo wa sakudya; sekoko e wu hisa ha txiluveloni; ewo mbwo bhumula, ngu ku va i di wa txialakanyiso ka Mkoma.

Eksodha 30:34

Mkoma a wombile kambe ka Mosi a txi khene: “Teka mafura o bhumula ni estakita ni onika ni galbhano; sotshe siya so bhumula u na si pata ni dibaselo ngu mpimo wumwewo.

Genesisi 43:11

Sekoko tate wawe Israyeli, a to va gela, a txi khene: “Ngako ti di ngeto, mahani toneto! Thelani sa lisima ngutu sa ditiko dathu, mi na ya maha siningo ka mamoyo: Mafura amadotho o bhumula, ni wulombe wa wudotho, ni makha, ni mira, ni mapistasi, ni tifula.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Masalmo 45:8

Syambalo sako sa bhumula mira, alowesi ni kasiya. Va kutsakisa ngu tindando to tshambiselwa ngu txitende! Tinyumbani ko tshuriselwa ngu makwasa a tinzofu!

Masalmo 2:12

Khizamani masoni kwakwe, kasiku asi henyi, na nanu mi si lovi mi di ngadi ha nzila, nguko kuhenya kwakwe ka kuluveta kutura. Va katekile avale va thembako Mkoma!

1 Vafumeli 10:10

Se a to ninga mfumeli 120 wa titalenta ta nzalama, ni tixakaxaka tatingi ta makha, ni marigwi a lisima; kha kuzivi kuta makha amangi ngutu ku nga tiya mfumeli wa txisikati wa Sabha a nga ningisa tona ka mfumeli Solomoni.

Eksodha 30:23

“Teka mafura a maphya amanene ngutu; u na teka mtxhanu wa makilu ni dimwedo ya mira ya yiphya; ni makilu mararu a mafura a kinamomo; ni makilu mararu a kanela;

Ndando ya Tindando 3:6

I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?

Matewu 1:18

Kuvelekwa ka Jesu Kristu ku mahisile tiya: Mariya, Mame wakwe, a manekile a di thembisilwe ngu Josefa; se va sinzi kutekana, a manekile a di ni txirumbu ngu mtamo wa Moya wo Sawuleka.

Matewu 2:10

Ngako va di yi woni kambe nyeleti yileya, va to tala ngu litsako la hombe.

Matewu 12:46

Mbimo yi ene a nga ti womba-womba ka dibutho, mame wakwe Jesu ni vanawe va to ema ngu hahanze, va txi lava kuwombawomba nayo.

Johani 19:39

Nikodhemo nene, awule kukhatani a nganga ya ni wusiku a txi ya womba-womba ni Jesu, a tile nene ni mira yi nga ti patanisilwe kumweko ni aloesi, asi si nga ti ni mpimo wa mtxhanu wa magumi a makilu.