Matewu 2:10 - Bhiblia Yo Sawuleka

¹⁰ Ngako va di yi woni kambe nyeleti yileya, va to tala ngu litsako la hombe.

Matewu 2:10 Referans Kwoze

Masalmo 105:3

Ti guleteni ngu ngene, nguko Njxizimu txo sawuleka. Tsakani motshenu anu mi lavako Mkoma!

Luka 2:20

Ti di mahile eto, va to tshumela vadyisi, na va txi dhumisa ni kubonga Txizimu, ngu totshe ti va nga ti wona ni ku tiengisa, nga ti va nga ti gelisilwe tona.

Luka 2:10

Ngelozi yi to va gela yi txi kha yona: “Mi nga thaveni, nguko ni mi bikela mahungu amanene a kutsaka ka hombe, akuwa ku no va i di ka votshe vathu.

Masalmo 67:4

Mifumo yi na giye ngu litsako, nguko awe u fuma vathu ngu kululama kambe wa xayisa mifumo ya ditiko!

Dhewuteronome 32:13

A va kwelisile mimango ya mafu, a txi va dyisa mihando ya txitinga. Ni ku va dyisa wulombe wa dirigwini, ni mtona a kuhuma ngu mu ka dirigwi do banga,

Matewu 2:9

Se ngako vona va di engisile mapswi a mfumeli, va to tsula, se nyeleti yi va nga ti yi woni wutxani yi to thangela masoni kwawe, yi za yi txi ya ema txitimwi ka wukhalo wu mwanana a nga ti ka wona.

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.