Matewu 19:9 - Bhiblia Yo Sawuleka

⁹ Sekoko, ani na mi gela ku khani: Awule a tovelako msikati wakwe, hahanze ka kuva a sa tekana nayo ngu mlayo, ngu msana a txi teka mmwani, a maha txionho txa wugango.”

Matewu 19:9 Referans Kwoze

Matewu 5:32

Aniko ani ni khani: Awule a tovelako msikati wakwe, hahanze ka kuva a sa tekana nayo ngu mlayo, a mu mahisa wugelegele; se awule a tekanako ni wu a nga tovelwa, a maha wugango.”

Luka 16:18

“Wuhi ni wuhi a lekako msikati wakwe e teka mmwani, wa maha wugango; se awu a tekako wu a nga lekwa ngu mkatakwe, wa maha wugango.”

1 Vakorinto 7:39

Wamsikati wa kutekwa a sungilwe ka mwamna wakwe, a di ngadi a txi hanyelwa ngu mwamna. Ngako mwamna wakwe a txi fa, wamsikati a txhatxhekile, kasiku e tekana ni wu a mlavako, ti txi nga tsimbila ngu mlayo wa Mkoma.

1 Vakorinto 5:1

Ha yi engisa yi txi xawutwa ngu votshe mhaka ya wugango hagari kwanu, wugango wa kuyila ngutu, ti to kha hi zivi ku nga wu engisa hagari ka vamatiko: Mmweyo wanu a hanyako ni msikati wa tate wakwe.

Jeremiya 3:8

Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

Genesisi 20:3

Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”

Ezekhiyele 16:29

u andisile wugelegele wako ditikoni ka Kanana kala kuya hoka Kaldheya, hambi ka toneto khwa kolwa.

Ezekhiyele 16:15

Aniko u thembile kutshura kwako, ni kuxengwa ngu nduma yako, se u txi maha wugango ni votshe vale va nga ti ti pinda, u txi va lumba.

Jeremiya 3:1

Vona va kha vona: Ngako wamwamna a txi tovela msikati wakwe, eyo wamsikati e ti tsulela, eya tekwa ngu mmwani wa wamwamna, ina mwamna wakwe wo khata a nga mtshumelela kambe kani? Ditiko edo kha di na mbi bihiswa ngu kumaha eto kani? Aniko awe, u nga hungala ni sigango so tala, ina u na tshumelela kwangu, kuwomba Mkoma.

1 Vakorinto 7:4

Wamsikati kha nga ni mtamo txitimwi ka mmidi wakwe apune, aniko mtamo wu ni mwamna wakwe; kufana ni toneto, wamwamna nene kha nga ni mtamo txitimwi ka mmidi wakwe apune, aniko mtamo wu ni msikati wakwe.

Ezekhiyele 16:8

Se ni to pinda ngu ha u nga ti ti kona, ni kuwona, ni wona taku mbimo yako i ti ti mbimo ya lirando; se ni to fenengeta wumbwiri wako ngu didhamba dangu; ni to kuthembisa ni maha txixambanyo ni nawe, kuwomba Mkoma Txizimu, se awe u mahile wangu.

2 Makronika 21:11

A to maha makhalo o guleka amu mimangoni ka va ka Judha, a kujetela vathu va Jerusalema kuva txi onha ni va ka Judha e va yisa ka toneto.

Matewu 19:8

Ene a xamute a txi khene: “Mosi, ngu mhaka ya kubanga ka timbilu tanu, a mi tumelete kutovela vasikati vanu, aniko kukhatani i ti si nga toneto.

Matewu 19:10

Vagondiswa va to kha vona kwakwe: “Ngako timhaka ta kutekana ka wamwamna ni wamsikati ti di zumbisile eto, kha ti tshuri kutekana.”