Matewu 19:7 - Bhiblia Yo Sawuleka

⁷ Sekoko vona va to wotisa va txi kha vona: “Ngu kutxani Mosi a nga veka mlayo wa ku mninga dipapilo da kudaya wukati ni ku mu tovela kani?”

Matewu 19:7 Referans Kwoze

Matewu 5:31

“Ti wombilwe kambe va txi kha vona: ‘Awule a tovelako msikati wakwe, a na mu ninge dipasi da kum'sengula.’

Marku 10:4

Vona va ti kha vona: “Mosi a hi tumelete kubhala dipasi da kuhambana ni msikati ni ku mu tovela.”

Malakiya 2:16

Nguko Mkoma, Txizimu txa ka Israyeli, a khene: Na vengela kulekana, ni wule a sisako kulwisana ngu syambalo sakwe, kuwomba Mkoma wa Mabutho a Tiyimbi; ngu toneto, ti xayiseni mimoyani kwanu, kambe mi nga lekeni mlayo.

Matewu 1:19

Aniko Josefa, mwamna wakwe, ngako i nga ti m'thu wo lulama, asi ti lavi ku mu bhumisa phungo yo biha, a to alakanya ku mu leka, na ti si ziwi.

Jeremiya 3:8

Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Matewu 19:6

Ngu toneto, se hi nga ngadi vambidi, yo va mmweyo dwe. Ngu konaho, asiya Txizimu txi nga si patanisa, m'thu a nga thuke a txi si abanisa.”

Matewu 19:8

Ene a xamute a txi khene: “Mosi, ngu mhaka ya kubanga ka timbilu tanu, a mi tumelete kutovela vasikati vanu, aniko kukhatani i ti si nga toneto.