Matewu 19:6 - Bhiblia Yo Sawuleka

⁶ Ngu toneto, se hi nga ngadi vambidi, yo va mmweyo dwe. Ngu konaho, asiya Txizimu txi nga si patanisa, m'thu a nga thuke a txi si abanisa.”

Matewu 19:6 Referans Kwoze

Marku 10:9

Ngu toneto, asiya Txizimu txi nga si tshanganisa m'thu a nga thuke a txi si abanisa.”

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

Varoma 7:2

Nga toneto, wamsikati wu a nga tekwa, a sungilwe ngu mlayo ka mwamna wakwe, ngako ene a di ngadi a txi hanya; kambe ngako mwamna wakwe a di fite, a thusilwe ka mlayo wa mwamna.

Vaefesu 5:28

Ngu toneto, vavamna va fanelako kurandisa tona vasikati vawe nga mimidi yawe. Awu a randako msikati wakwe, wo ti randa apune;

Malakiya 2:14

Se mi txi khanu: Ngu txani kani? Nguko Mkoma i fakazi hagari kwako ni msikati wa wujaha wako, awule awe u nga mbi thembeka kwakwe, na kuve ngene mpangalati wako, i ku msikati wa txitumelelano txako.

Mavingu 2:17

awule a lekako mngana wa wuphya wakwe, kambe e divala txitumelelano txa Txizimu txakwe;

Malakiya 2:16

Nguko Mkoma, Txizimu txa ka Israyeli, a khene: Na vengela kulekana, ni wule a sisako kulwisana ngu syambalo sakwe, kuwomba Mkoma wa Mabutho a Tiyimbi; ngu toneto, ti xayiseni mimoyani kwanu, kambe mi nga lekeni mlayo.

Matewu 19:5

Se, a txi khene: ‘Ngu konaho wamwamna a na siya tate wakwe, a txi namarela ka msikati wakwe, se vona ngu wumbidi wawe va na va nga m'thu mmweyo dwe.’

Matewu 19:7

Sekoko vona va to wotisa va txi kha vona: “Ngu kutxani Mosi a nga veka mlayo wa ku mninga dipapilo da kudaya wukati ni ku mu tovela kani?”