Matewu 19:29 - Bhiblia Yo Sawuleka

²⁹ Se wuhi ni wuhi, a nga leka tinyumba, vanawe, tindiyakwe, tate, mame, msikati, vanana mwendo tithembwe ngu mhaka ya ditina dangu, a na amukela sa kupinda ngutu asile, se ngu msana a na mana thomba ya wutomi wo mbi guma.

Matewu 19:29 Referans Kwoze

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

Luka 14:26

“Ngako m'thu a txi ta kwangu, na asi vengeli tate wakwe, mame wakwe, msikati wakwe, vanana vakwe, vanawe va mazambi, tindiyakwe, hambi ni wutomi wakwe, kha sikoti kumaha mgondiswa wangu.

Matewu 16:25

Awule a randako kuveketa wutomi wakwe a na wu mwalata, aniko awule a mwalatako wutomi wakwe ngu mhaka yangu, a na wu mana.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

1 Pedro 4:14

Ngako mi txi xaniswa ngu ditina da Kristu, mi katekile, nguko moya wa kupfaliswa, Moya wa Txizimu, wu zumbile hagari kwanu.

Matewu 10:22

Nananu mi na vengelwa ngu votshelele ngu mhaka ya ditina dangu. Aniko awu a no timisela kala magwito, ngene a no hanyiswa.

Johani 15:19

Idiku mi va ditiko, nga ditiko di di randile ava va lumbako dona. Aniko, nga kuwa mi ku si nga va ditiko, ni kuwa kambe ni nga mi sawula ha ditikoni, ngu konaho ditiko da mi vengela.

Luka 6:22

Mi katekile anu, ngako vathu va txi mi venga, va txi mi tovela, va txi mi ruketela, va txi nyenya ditina danu nga do va ni nduma yo biha, ngu mhaka ya Mwanana wa M'thu.

Matewu 5:11

Mi katekile, ngako va txi mi ruketela ni ku mi xanisa, ni ku mi hembela, ve mi lumbeta makuhu ngu mhaka yangu.

1 Vakorinto 2:9

Aniko, nga tiya ti nga bhaliswa tona, nzimaha si “hambi maso ma si sikotiko ku si tshanganisa, hambi tinzeve ti si sikotiko ku si engisa, hambi mialakanyo ya m'thu yi si sikotiko ku si pima, asile Txizimu txi nga lulamisela avale va txi dhundako.”

Mithumo 9:16

Ani nipune ni na mu kombisa ti a fanelako kuxanisekisa tona ngu mhaka ya ditina dangu.”

Matewu 25:34

“Sekoko Mfumeli a na gela vale va ku txinene a txi khene: ‘Ngonani anu mi nga katekiswa ngu Tate wangu, amukelani thomba ya Mfumo, ayi mi nga lulamiselwa kukhukhela di txi mahwa ditiko.

Matewu 19:16

Konaho, mmweyo a to mtshuketela, a txi khene kwakwe: “M'gondisi wamnene, nji txani txa txinene ni fanelako ku txi maha, kasiku ni mana wutomi wo mbi guma kani?”

Matewu 13:23

Ani wule a nga amukela mbewu ka mafu amanene, ngu wule a engisako dipswi, e di veketa; eyo ngene a velekako mihando, ahawa a txi veleka dizana, ahawa mtxhanu wa magumi ni dimwedo, ahawa makumararu.”

2 Vakorinto 5:16

Ngu toneto, kukhukhela konkuwa, awalo wu hi m'zivako ngu kuwona nyama yakwe. Hambi Kristu hi di m'zivisile toneto, kambe konkuwa hi nga tona ti hi m'zivisako tona.

Matewu 25:46

Se avava va na tsula kutsayiswani ko mbi guma; ani valulami va na yiswa ka wutomi wo mbi guma.”

Matewu 13:8

Yimwani, ngu kugwitisa, yi to wela ka mafu amanene yi veleka mihando: Nyingi yimweyo yi veleka dizana, yimwani mtxhanu wa magumi ni dimwedo, yimwani makumararu.

3 Johani 1:7

nguko vona va tekile dipfhumba diya ngu ditina da Txizimu, va si tumeli kuamukela txilo ka vamatiko.

Luka 5:11

Konaho, ngako va di humisile tingalava tawe likasani, va to leka sotshe ve mu londisa.

Johani 4:36

Awule a elulako wa amukela hakhelo, e sengeleta mihando ya wutomi wo mbi guma. Se ti di mahile eto, awu a phayako wa tsaka kumweko ni wu a elulako.

Ekleziyaste 3:6

mbimo ya kulava, ni mbimo ya ku mwalalelwa; mbimo ya kuveka, ni mbimo ya kutshotsha;